Aktualitet

Gratë në Hamallaj marrin armët për të zgjidhur çështjet e…/ Flet burri i të arrestuarës: Konflikti ishte gjaknxehtë

Pas denoncimit të një 29-vjeçareje nga Tirana që ka një shtëpi pushimi në Hamallaj, policia arrestoi të enjten fqinjën e saj 57-vjeçare për kanosje me armë dhe armëmbajtje pa leje.
Featured image of article: Gratë në Hamallaj marrin armët për të zgjidhur çështjet e…/ Flet burri i të arrestuarës: Konflikti ishte gjaknxehtë Foto ilustruese

Një parkim automjeti është shndërruar në mollë sherri dhe kanosje me armë mes dy grave në zonën turistike të Hamallaj në Durrës.

Pas denoncimit të një 29-vjeçareje nga Tirana që ka një shtëpi pushimi në Hamallaj, policia arrestoi të enjten fqinjën e saj 57-vjeçare për kanosje me armë dhe armëmbajtje pa leje. Bashkëshorti i së arrestuarës tregon mbi konfliktin që sipas tij ishte një ngjarje e izoluar, po tejet gjaknxehtë mes dy grave.

Lidhur me armën, përdorimi i së cilës rëndon gjendjen e së shoqes para ligjit, Nikolla thotë se ishte një pushkë e vjetër e gjetur nga ai në një kanal.

Familja Picaku e ka rrethuar tokën para shtëpisë dhe ka lejuar vetëm kalimin nëpër të, po fqinja nga Tirana ka parkuar mjetin duke shkelur një marrëveshje verbale mes tyre. Policia e Durrësit ka arrestuar gruan e tij dhe gjatë kontrollit në zonë, ka gjetur dhe armën e përdorur për kanosje bashkë me një sasi fishekësh.

Për më shumë bëhu pjesë e grupit më viral në Facebook, Dosja.al

Arma dhe 27 fishekët ishin fshehur në këtë shtëpi të braktisur, vetëm disa metra larg banesës së 57-vjeçares. Shtëpia është në përdorim nga familja e saj. Nëse gjendet fajtore për vepra penale që rëndojnë mbi të, 57-vjeçarja rrezikon të dënohet me burg deri në 7 vjet.

Në Hamallaj konfliktet për tokën mes banorëve kanë qenë të vazhdueshme dhe cenimi i asaj që vendas e të ardhur e konsiderojnë të tyren vazhdon të prodhojë konflikt. /Vali Qyrfyci/

Marrë nga Top Channel

Shto Koment