Aktualitet

Plagosja e çiftit në Allias/ Zbulohet spiuni që futi grabitësit në vilën Laze, dy në kërkim, Afërdita: Petriti u hodh nga dritarja (DËSHMITË)

Detaje nga plagosja e çiftit të biznesmenëve në Alias. Policia ka shpallur në kërkim dy person. Njëri mësohet të jetë fqinji, ndërsa tjetri i afërmi i çiftit. Zbardhen dëshmitë e Afërditës dhe Petrit. Tmerri që përjetuan.
Featured image of article: Plagosja e çiftit në Allias/ Zbulohet spiuni që futi grabitësit në vilën Laze, dy në kërkim, Afërdita: Petriti u hodh nga dritarja (DËSHMITË)

TIRANË– Dy persona janë shpallur në kërkim nga policia për grabitjen e ndodhur në Allias, mbrëmjen e të dielës, ku si pasojë u plagosën çifti Petrit dhe Afërdita Laze. Ende nuk dihen identetet e personave të shpallur në kërkim, por Dosja.al mëson se i dyshuari i parë është një fqinj i tyre i moshës 20 vjeç, banues në Allias dhe me preçedentë të mëparshëm penale. Ndërsa i dyshuari i dyttë, mësohet të jetë një nga të afërmit e familjes Laze dhe njihej me njërin nga punëtorët që çifti i biznesmenëve e kishte marrë në dyqanet e bukës. Ky i dyti dyshohet të ketë qenë pjesë e tre grabitësve të çilët para tre netësh u futën të armatosur në vilën e biznesmenëve në Allias de se informacionet për hyrjen në banesë mund t’i ketë marrë nga i njohuri i tij që punonte në biznesin e çiftit Laze. Gjithashtu, burime nga grupi hetimor bëjnë me dije për Dosja.al se gjithsej kanë qenë tre persona që kanë kryer grabitjen. Dy prej tyre janë futur në banesë, ndërsa tjetri ka qëndruar duke i pritur në makinë, në mënyrë që të largoheshin me shpejtësi.

Dosja.al ka zbardhur gjithashtu edhe dëshmitë e çiftit Petrit dhe Afërdita Laze, të cilët kanë deklaruar se çfarë kanë parë me sy natën e tmerrit. 

Për më shumë bëhu pjesë e grupit më viral në Facebook, Dosja.al

Tre ditë më parë në rrugën “Njazi Meka”, në zonën e njohur si Allias në Tiranë, çifti, Petrit dhe Afërdita Laze  u plagosën nga dy persona teksa ndodheshin brenda banesës së tyre. Autorët hynë në banesë për të grabitur dhe pas përballjes me familjarët qëlluan me armë. Gjendja e 61-vjeçarit që mori një plumb në bark, pas daljes nga ndërhyrja kirurgjikale është stabilizuar. Po ashtu edhe e gruas së tij, që ka një plagë në kofshë nga të shtënat e njërit prej autorëve të grabitjes. Çifti me origjinë nga Skrapari, prej 1994 ishin zhvendosur në Tiranë, në Allias. Ata kanë disa biznese në kryeqytet, ku zotërojnë disa furra buke.

j.v/f.m/dosja.al

  • 12:19

    “Petriti u hodh nga dritarja i plagosur, vajzën ma kapën për flokësh”, Afërdita Laze tregon ç’u punuan grabitësit e maskuar në vilë, detaje nga tmerri që përjetuan

    Afërdita Laze, gruaja e biznesmenit Petrit Laze, të cilët mbetën të plagosur pas një grabitjeje me armë në shtëpinë e tyre ka rrëfyer se çfarë parë mbrëmjen e të dielës. Sipas Lazes, grabitësit ishin të rinj në moshë dhe derën ua ka hapur vajza e tyre, Dejzi. Ajo tregon se sapo kanë parë vajzën në derë, ata e kanë kapur për flokësh dhe më pas e kanë futur në dhomë. Afërdita shton më tej se më pas ka dalë vetë dhe e kanë plafgosur në kmëbë. Petriti, sipas gruas, ishte në gjumë dhe është zgjuar nga zhurmat. Në momentin që ai ka dahsur të nxjerrë jashtë grabitësit, ata e kanë plagosur në bark dhe më pas e kanë mbylluer në banjo. Gruaja shton se Petrit është hedhur nga banjoja i plagosur, ka marrë një levë për t’u ngjitur prapë në banesë, por grabitësit ishin larguar. “Ishte vajza jonë, Dejzi ajo që dëgjoi zhurmën e autorëve të cilët pasi janë ngjitur në banesë kanë trokitur në derë. Pasi vajza hapi derën dy personat e maskuar e kanë kapur për flokësh dhe e kanë larguar në dhomë, më pas dola unë. Ata më qëlluan në këmbë dhe më lanë të plagosur. Petriti ndodhej në dhomë në gjumë dhe kur dëgjoi krismën e armës doli me vrap nga dhoma. Autorët i drejtuan armën dhe i kërkuan çelësin e kasafortës, por ai tentoi t’i nxjerrë jahtë. Ata e plagosën dhe mbyllën në banjo. Petriti u hodh nga dritarja i plagosur, mori një levë dhe u ngjit në banesë, por ata pasi kontrolluan banesën u larguan me shpejtësi pa mundur të marrin gjë. Vajza doli dhe lajmëroi dajën të cilit i tha “hajde shpejt se po na vrasin po na vjedhin”, më pas lajmëroi policinë dhe ambulancën. Autorët ishin djem të rinj të moshave rreth 18- vjeç,”- mësohet të ketë thënë Laze.

  • 12:03

    “Donin të më lidhnin, bërtisnin ‘ku e ke kasafortën’”, biznesmeni Laze tregon si i hynë në shtëpi dy të maskuarit e veshur me kapotë të zezë, grabitësit u larguan pas ulërimave

    Dosja.al ka zbardhur dëshminë e Petrit Lazes, biznesmenit që mbeti i plagosur pasi dy persona tentuan t’i grabisnin banesën të dielën e kaluar. Burime nga grupi hetimor bëjnë me dije se Laze ka treguar se ka parë dy të rinj të gjatë që ishin të veshur me kapotë të zezë dhe ishin të maskuar. Sipas Lazes, grabitësit përveç armëve, me të cilat plagosën atë dhe të shoqen Afërditën, kishin me vete edhe ngjitës natriban dhe ishin përpjekur ta lidhnin. Ai shton më tej se grabitësit i kishin kërkuar t’u tregonte ku kishte fshehur lekët dhe kasafortën. “Pashë dy të rinj të fgjatë që ishin të maskuar. Ata ishin të veshur me kapotë të gjatë të zezë. Dëgjova zhurmë që u hap dera dhe dola për të parë. Kishin ngjitës natriban, donin të më lidhnin.  Më thanë ‘duam lekët, Ku e keni kasafortën?” . U përleshëm dhe më qëlluan. Pastaj qëlluan dhe Afërditën. Ne ulëritëm dhe kërkuam ndihmë dhe ata u larguan me vrap,”- mësohet të jetë shprehur biznesmeni 61-vjeçar.

Shto Koment