Sport

Goli në fushën kundërshtare nuk vlen më dyfish, UEFA ndryshon rregullin

Komiteti i Garave midis klubeve në UEFA ka shfuqizuar rregullin. Komiteti Ekzekutiv pritet ta miratojë. Risi, e cila ka të bëjë në ndeshjet me eliminim, do të hyjë në fuqi sezonin e ardhshëm
Featured image of article: Goli në fushën kundërshtare nuk vlen më dyfish, UEFA ndryshon rregullin

ZVICER – Mjaft më me rregullin e golit, që vlen dyfish në fushën kundërshtare, në ndeshjet për kupat e Europës. Komiteti i Garave midis klubeve në UEFA, i cili u takua dje, votoi për shfuqizimin e këtij rregulli, i cili tani do të duhet të miratohet nga Komiteti Ekzekutiv në Nyon.

Nga sezoni i ardhshëm, rregulli në fuqi që nga viti 1965 dhe tani i konsideruar “i vjetëruar” nga trajnerët dhe specialistët do të arkivohet. Le të marrim një shembull praktik, për ndeshjet me sistem eliminimi me vajtje-ardhje:

Nëse ndeshja e parë përfundon 2-1 për ekipin vendas dhe kthimi 1-0 për tjetrin, takimi do të shkonte në kohën shtesë dhe më pas në penallti. Kjo, pasi golat e shënuar në shtëpi dhe ato jashtë, duke nisur nga sezoni i ardhshëm do të kenë të njëjtën vlerë.

Për më shumë bëhu pjesë e grupit më viral në Facebook, Dosja.al

B.T (Dosja.al)

Shto Koment