Sport

“Gjyshi” Pandev dhe Maqedonia e Veriut me 5 shqiptarë turpëron Gjermaninë, ja përballjet e tjera

Skuadra e drejtuar nga Angelovski, me plot 5 futbollistë me origjinë shqiptare në fushë, mposhti 1-2 në Duisburg Gjermaninë
Featured image of article: “Gjyshi” Pandev dhe Maqedonia e Veriut me 5 shqiptarë turpëron Gjermaninë, ja përballjet e tjera Maqedonia e Veriut-Gjermani

EUROPË– Maqedonia e Veriut ka bërë surprizën përballë Gjermanisë në kualifikueset e Botërorit Katar 2022. Skuadra e drejtuar nga Angelovski, me plot 5 futbollistë me origjinë shqiptare në fushë, mposhti 1-2 në Duisburg Gjermaninë, duke u ngjitur në vendin e dytë në Grupin J të cilin e kryeson për befasinë e të gjithëve Armenia me pikë të plota.

Pjesa e parë u mbyll me epërsinë e Maqedonisë së Veriut, me gol të Pandevit që u shënua në shtesë, pasi asistit të Enis Bardhit. Gundogan barazoi në të 63-tën me penallti, ndërsa pesë minuta para përfundimit të kohës së rregullt Elmas u dha fitoren miqve.

Për më shumë bëhu pjesë e grupit më viral në Facebook, Dosja.al

Në Grupin C, Italia fitoi 0-2 në fushë ne Lituanisë, ku shënuan Sensi dhe Ciro Immobile, i dyti në shtesë me penallti, ndërsa Irlanda e Veriut barazoi pa gola me Bullgarinë.

Në sfidën e vetme të Grupit D, Franca triumfoi në fushën e Bosnjë Hercegovinës me golin e Antoine Griezmann.

E.Ç (Dosja.al)

Shto Koment