Aktualitet

Tre kandidatët për në Gjykatën e Lartë dalin para KLGJ-së: Do zgjidhim situatën me dosjet

Të tre kandidatët gjatë intervistës së tyre kanë vënë theksin në problemin e Gjykatës së Lartë që janë dosjet e cila janë stok. Ata janë shprehur se ka një zgjidhje për të rregulluar këtë situatë që janë grumbullimi i dosjeve dhe vendimet unifikuese.
Featured image of article: Tre kandidatët për në Gjykatën e Lartë dalin para KLGJ-së: Do zgjidhim situatën me dosjet Këshilli i Lartë i Gjyqësorit.

TIRANË- Këshilli i Lartë Gjyqësor ka zhvilluar sot intervistat me tre kandidatët për t’u bërë anëtarë të Gjykatës së Lartë. KLGJ për më shumë se dy orë ka pyetur kandidatë për vizionin e tyre dhe ka vlerësuar përvojën që ata kanë ndër vite. Kandidatët për anëtarë në për t’u bërë gjyqatarë të lartë janë: Sokol Sadushi është i përzgjedhur si kandidat për profilin administrativ; Ervin Pupe është përzgjedhur në profilin civil dhe Ilir Panda është përzgjedhur në profilin penal. Të tre kandidatët gjatë intervistës së tyre kanë vënë theksin në problemin e Gjykatës së Lartë që janë dosjet e cila janë stok. Ata janë shprehur se ka një zgjidhje për të rregulluar këtë situatë që janë grumbullimi i dosjeve dhe vendimet unifikuese.

Në përfundim të këtij procesi, Këshilli do të kryejë vlerësimin dhe pikëzimin përfundimtar të tre kandidatëve jogjyqtarë, nga katër pozicione që janë gjithësej dhe do t’i propozojë Presidentit të Republikës emërimin e tyre gjyqtarë në Gjykatën e Lartë. KLGJ pritet që të japë njotim për procesin e zhvilluar sot e më tej kandidatët të meërohen në Gjykatën e Lartë.

PROCESI

Duke iu referuar njoftimit zyrtar të Këshillit të Lartë Gjyqësor emrat e kandidatëve do të dërgohen në Presidencë dhe brenda 10 ditësh duhet të bëhet emërimi i tyre. Nëse institucioni i Presidentit nuk bënë emërimin brenda 15 ditëve, atëherë kandidati shpallet i emëruar.

Për më shumë bëhu pjesë e grupit më viral në Facebook, Dosja.al

SITUATA NË GJL

Që pas nisjes së Reformës në Drejtësi dhe procesit të Vettingut, Gjykata e Lartë nuk është funksionale. Tashmë ky institucion ka vetëm një anëtarë që është Ardian Dvorani, edhe pse mandati i tij ka disa vite që ka mbaruar. Në Gjykatën e Lartë nurmi i dosjeve për gjykim është mbi 30 mijë dhe çdo ditë dorëzohen çështje të reja.

(J.V. A.B. Dosja.al)

  • 12:12

    Panda jep zgjidhjen për dosjet: Të reduktohen dhe të ndahen

    Ilir Panda ishte kandidati i tretë për një vend në Gjykatën e Lartë që u intervistua nga Këshilli i Lartë Gjyqësor. Panda në intervistën e tij u shrpeh se karriera e tij është shumë vjeçare dhe tha se Gjykata e Lartë duhet të udhëhiqet nga një mision që veprimet e saj të jenë të arsyetuara.

    Për mua kjo mund të zgjidhet duke filluar me reduktimin e disa çështjeve dhe më pas mund të ketë një ndarje të disa çështjeve. Mendoj se organizimi dhe angazhimi i ndihmesave duhet të kenë punuar gjatë kësaj kohe. Në vend të eksperiencës së gjykatës kushtetuese së Kosovës duhen ndarë në nivele nga më i ulëti tek më i larti. Pse jo edhe sipas fushave, duke organizuar punën të tillë.”, u shpreh Panda.

  • 11:34

    Pupe: Çështja e dosjeve mund të zgjidhet me grupim dhe jepet një vendim pilot

    Ervin Pupe, kandidati për Gjykatën e Lartë është intervistuar sot nga Këshilli i Lartë Gjyqësor. Pupe para anëtarëve të këshillit ka thënë se ai do të japë kontributin e tij në Gjykatën e Lartë, pasi ka një eksperiencë shumë vjeçare. Më tej ai u shpreh se nga numri i lartë i çështjeve mund të krijohet një njësi për grupimin e tyre dhe nëse arrihet, gjykata mund të japë vendim pilot.

    Besmi te Gjykata e Lartë ka rënë dhe duhet rikthyer, besoj se mund të jap kontribut si njeri kritik për veten, punëtor e më gjerë. Besoj se do ia dal edhe nëse këshilli më jep mundësinë për më tej. Do kontribuoj që edhe opinioni publik të rrit besimin. Numri i lartë i çështjeve mund të krijohet një njësi për grupimin e çështjeve, dhe nëse arrihet, gjykata mund të jap vendim pilot, duke zgjidhur disa çështje njëherësh. Duhet ndërhyrje ligjore për të pikë, dhe të jetë e përkohshme, derisa dosjet të ulen. Më ka rrit familja të ndershëm, të mirë dhe nuk mund të bëhem ndryshe. Më kanë kërkuar edhe rritje note si dilemë, por unë e kam bindur studentin, dhe kjo ka qenë dilema ime. Si avokat nuk kam dal nga katakteri im”, u shpreh ndër të tjera Pupe.

  • 10:50

    Sokol Sadushi del para KLGJ: Në Gjykatën e Lartë do jap eksperiencën time, do zgjidh çështjen e dosjeve

    Sokol Sadushi, kandidat për anëtar në Gjykatën e Lartë është intervistuar nga Këshilli i Lartë Gjyqësor. Para anëtarëve të KLGJ, Sadushi tha se  ai ka një përvojë 33-vjeçare dhe shtoi se të gjithë ekperiencën e tij do e japë nëse do jetë anëtar në Gjykatën e Lartë. Më tej tha se e kërkon këtë detyrë se donte të përballej dhe ishte i motivuar dhe bashkë me kolegët ta kthente Gjykatën e Lartë ashtu siç e do sistemi i drejtësisë.

    Kam një përvojë mbi 33 vjeçare si jurist, avokat, prokuror e më gjerë dhe jam sot këtu për një motiv të fortë, për të qenë pjesë e garës që Gjykata e Lartë pati riformatim, Gjykata e Lartë ka nevojë për legjitimitetin që i duhet, siç kushtetuta e ka përcaktuar. Kam objektivat e mia në lidhje me këtë gjykatë. Aktualisht kjo gjykatë nuk ka strategji dhe kjo pikërisht i duhet. Situatë problematike janë numri i stërmadh i dosjeve në këtë gjykatë, por mund të përballohet me një riformatim. Çështja e pronave dhe disa të tjera mund të bëhen unifikuese, për të shpëtuara nga ata.

    Në përvojën time ekzistojnë rregullore të tilla për të lehtësuar punën. Me rëndësi është roli i gjykatës me median, nuk ka qenë në rregull, por duhet të përmirësohet që publiku të informohet me transparencë. E kërkoj këtë detyrë se dua të përballem, jam i motivuar dhe bashkë me kolegë të kthejmë Gjykatën e Lartë ashtu siç e do sistemi i drejtësisë. Pa unifikimin e praktikës gjyqësore nuk mund të kemi evadim të çështjeve, pasi duhen vendime unifikuese nëse duam të gjykojmë në kohë çështjet. Sa më shpejt, aq më shpejt do marrë zgjidhje dhe qytetari që pret prej vitesh një vendim”, ishte kjo një pjesë nga deklarata e Sadushit.

Shto Koment