Politike

Koronavirusi/ Rreth 600 të dënuar lënë qelitë, vetëkarantinim në shtëpi për 3 muaj, Gjonaj: Ja kushtet që duhet të përmbushin

VIDEO
Si kritere për të lënë qelinë, ministrja theksoi se janë: mosha mbi 60 vjeç, dokumentimi që vuajnë nga sëmundje kronike, mos të jenë dënuar për vepra të rënda kriminale dhe të marrin pëlqimin e familjarëve se do të rrinë tek ta gjatë kësaj periudhe. 
Featured image of article: Koronavirusi/ Rreth 600 të dënuar lënë qelitë, vetëkarantinim në shtëpi për 3 muaj, Gjonaj: Ja kushtet që duhet të përmbushin Etilda Gjonaj

TIRANË – Ministrja e Drejtësisë, Etilda Gjonaj ka bërë publike të gjitha masat e marra në burgje për të parandaluar përhapjen e koronavirusit. Në fjalën e saj, ministrja Gjonaj u shpreh se rreth 600 të burgosur do të lënë qelitë pasi do të përfitojnë nga një akt normativ i miratuar ditën e djeshme nga qeveria. 

Si kritere për të lënë qelinë, ministrja theksoi se janë: mosha mbi 60 vjeç, dokumentimi që vuajnë nga sëmundje kronike, mos të jenë dënuar për vepra të rënda kriminale dhe të marrin pëlqimin e familjarëve se do të rrinë tek ta gjatë kësaj periudhe. 

Kemi marrë të gjitha masat për 4200 punonjësit e burgjeve. Kemi rritur kujdesin mjekësor për personat që vuajnë nga sëmundjet. Takimet e të dënuarve me familjarët janë pezulluar dhe janë zëvëndësuar me ato online. Deri tani nuk kemi pasur asnjë rast por duke parë atë që ka ndodhur jemi të përgatitur për çdo gjë. Dje qeveria mori një masë shumë të rëndësishme. Miratuam aktin normativ për lirimin e përkohshëm të të dënuarve me rrezikshmëri të ulët dhe që vuajnë nga sëmundje. Të gjithë ata të dënuar me vendim të formës së prerë dhe u ka mbetur edhe 3 vite burgim, dhe të gjithë ata që u ka mbetur më pak se 5 vjet burgim dhe që janë mbi 60 vjeç e që vuajnë nga një sëmundje kronike do të vendosen 3 muaj në karantinë në shtëpitë e tyre. Të dyja kategoritë përfitojnë vetëm nëse nuk janë dënuar për vepra të rëndë kriminale, si krime të rënda apo edhe banda kriminale. Të burgosurit duhet të kenë edhe një sjellje të mirë në burg. Të gjithë të dënuarit që përfitojnë nga ky akt, duhet t’i nënshtrohen rregullave strikte për të qëndruar në të njëjtën banesë gjatë qëndrimit në karantinë. Nga ky akt normativ do të lënë përkohësisht burgun 600 të dënuar. Të gjithë të dënuarit që përfitojnë daljen duhet t’i nënshtrohen rregullave ligjore strikte, duke deklaruar edhe pëlqimin e familjarëve të tyre se duan që të qëndrojnë në të njëjtën banesë. Parashikohet të lënë burgun rreth 600 të dënuar”, u shpreh Gjonaj.

Për më shumë bëhu pjesë e grupit më viral në Facebook, Dosja.al

Numri i prekurve me Covid-19 në vendin tonë sot ka shkuar në 104, ndërsa numri i viktimave ka shkuar në 5. Po kështu, 9 prej të infektuarëve janë mjekë dhe infermierë, një nga Spitali i Durrësit dhe të tjerët nga spitali “Shefqet Ndroqi”. Ndërkohë harta e të prekurve në vend sa vjen dhe zgjerohet.

Sot janë shënuar të infektuar edhe në Lezhë e Pogradec. Edhe pse qytetarët sot e kanë të lejuar që të dalin deri në orën 13:00 nga shtëpia, radhë pafund janë shënuar tek trugu Agro-Kulturor dhe në spitalin Onkologjik. Ndërkohë kryeministri Edi Rama dje u shpreh se këtë javë do të ketë një “bum” të infektuarit si pasojë e kurbës natyrale të virusit. Ai bëri thirrje për respektimin e masave ndryshe do të vihet në zbatim “ligji i luftës”.

(k.m/dosja.al)

 

Shto Koment