Politike

Gjobat e emigrantëve që u bllokuan jashtë, ministrja Denaj: Ja ku duhet të aplikoni, është alokuar fondi

VIDEO
enaj tha se të gjithë personat që kanë marrë gjobë për shkak të kalimit të afatit të qëndrimit jashtë vendit, në periudhën 10 mars – 1 qershor 2020 do të rimbursohen.
Featured image of article: Gjobat e emigrantëve që u bllokuan jashtë, ministrja Denaj: Ja ku duhet të aplikoni, është alokuar fondi Anila Denaj, ministre e Financave

TIRANË- Ministrja e Financave dhe Ekonomisë, Anila Denaj, ka reaguar sërish sot për vendimin e qeverisë për të rimburësuar të gjithë ata qëtetarë që u bllokuan jashtë vendit nga pandemia e COVID-19.

Në një video-mesazh, Denaj tha se të gjithë personat që kanë marrë gjobë për shkak të kalimit të afatit të qëndrimit jashtë vendit, në periudhën 10 mars – 1 qershor 2020 do të rimbursohen. Më tej ministrja bëri me dije se çdo qytetar mund të aplikojë nëpërmjet Postës Shqiptare dhe do të përfitojë vlerën e gjobës.

Është alokuar një fond nga buxheti i shtetit për të rimbushura vlerën e penaliteteve që qytetarët kanë marrë si rezultat tejkalimit të afateve të qëndrimit jashtë vendit, në periudhën 10 Mars – 1 Qershor 2020. Sipas vendimit të Këshillit të Ministrave, çdo qytetar është i lutur të aplikojë pranë administratës tatimore nëpërmjet Postës Shqiptare, me një dokumentacion që vërteton marrjen dhe pagesën e penalitetit dhe numrin e llogarisë bankare ku do të ndodhë rimbursimi. Rimbursimi do të ndodhë i plotë dhe në vleftën e lekut. Jeni të lutur që prej ditës së sotme të bëni këtë aplikim dhe brenda qershorit do të bëhet rimbursimi i plotë, në rast mungese rimbursimi, ju lutem na shkruani”, tha Denaj.

Për më shumë bëhu pjesë e grupit më viral në Facebook, Dosja.al

Vendimi i qeverisë u bë publik një ditë më parë nga Kryeministri Edi Rama ka bërë me dije se të gjithë qytetarët do të rimburësohen dhe askush nuk duhet të shqetësohet për gjobën.

(A.B. Dosja.al)

Shto Koment