Politike

Gjiknuri premtim publik: Do zgjidhim çështjen e Kadastrës së Vlorës, kam folur me Ramën dhe është gati drejtuesi i ri

VIDEO
Gjiknuri u shpreh se ka folur me kryeministrin për t’i dhënë një zgjidhje përfundimtare drejtimit të Kadastrës në Vlorë.
Featured image of article: Gjiknuri premtim publik: Do zgjidhim çështjen e Kadastrës së Vlorës, kam folur me Ramën dhe është gati drejtuesi i ri Damian Gjiknuri dhe Kadastra e Vlorës

VLORË- Deputeti i Partisë Socialiste, i cili është dhe i dërguari i Ramës në Vlorë, Damian Gjiknuri ka paralajmëruar ndryshime në Kadastrën e Vlorës. Në një prononcim për mediat nga Vlora, pas një takimi me strukturat, Gjiknuri u shpreh se ka folur me kryeministrin për t’i dhënë një zgjidhje përfundimtare drejtimit të Kadastrës në Vlorë.

Nga bisedat e fundit që kam bërë edhe me kryeministrin, atje shumë shpejt do të vendosen drejtues të rinj me qëllim që të riorganizohet puna dhe ka shumë ankesa nga qytetarët. Drejtuesi do të jetë nga Vlora. E di që në Vlorë ka presione për pronat por shteti nuk mund të ulë kokën përpara presioneve të paligjshme”, deklaroi Gjiknuri.

Kjo deklaratë e Gjiknurit vjen në një kohë kur në Kadastrën e Vlorës nuk ka kryetar. Prej më shumë se dy vitesh ky institucion është në kolaps, pasi të gjithë drejtuesit e komanduar janë dorëhequr dhe nuk kanë zgjidhur dot problemin me pronat në Jalë.

Për më shumë bëhu pjesë e grupit më viral në Facebook, Dosja.al

Më herët dhe kreu i përgjithshëm i Kadastrës, Artan Lame, ka premtuar zgjidhjen e këtij problemi dhe ka thënë se qytetarët do marrin pronat e tyre.

Këto deklarata, deputeti i PS i ka bërë pas një takimi me strukturat në Vlorë. Gjiknuri nga Vlora ka bërë me dije se maxhoranca është gati të bëjë lëshime për sa i përket Reformës Zgjedhore dhe të mund të arrihet një kompromis me opozitën parlamentare.

(A.B. Dosja.al)

Shto Koment