Politike

Gjiknuri optimist: S’kemi dështuar, vijojmë ende negociatat. Shumë shpejt do u informoj dhe do habiteni të gjithë

Ai u shpreh se shumë shpejt do të informojë qytetarët për të gjitha pikat e marrëveshjes që janë arritur deri tani dhe tha se do habiten të gjithë.
Featured image of article: Gjiknuri optimist: S’kemi dështuar, vijojmë ende negociatat. Shumë shpejt do u informoj dhe do habiteni të gjithë Damian Gjiknuri, PS

TIRANË- Deputeti Damian Gjiknuri ka folur pas tryezës së Këshillit Politik. Në një deklaratë për mediat Gjiknuri u shpreh se është gati për të arritur një marrëveshje, por janë dhe disa pika që duhet të negociohen sërish. Ai u shpreh se shumë shpejt do të informojë qytetarët për të gjitha pikat e marrëveshjes që janë arritur deri tani dhe tha se do habiten të gjithë.

Patëm një problematikë. Ne u munduam të adresojmë kërkesat e opozitës. Kemi një kuadër gati të përfunduar me të gjitha kushtet e OSBE dhe kushtet e opoztës. Nuk mundet që të pasi biem dakord dhe reflektojme, të fillohet me kërkesa të reja. Nuk e humbim qetësinë dhe do vijojmë. Dyert dhe dritaret e komunikimit janë të hapura me opozitën dhe po i presim në tryezë.

Kemi adresuar të gjitha kërkesat e opozitës, nuk i deklaroj këtu, pasi nuk negocioj me mikrofon. Mbi të gjitha duhet një administratë e pavarur zgjedhore. Miqtë ndërkombëtarë kanë folur për dialog dhe të vijohet puna. Në kemi adresuar kërkesat që asnjë opozitë shqiptare nuk i ka menduar në vend, Ju shumë shpejt do i shikoni dhe do habiteni kur të infermoheni. Një gjë u garantoj, adminsitrata do jetë shumë profesionale dhe nuk do ketë më si më parë. Të gjithë qytetarët mund të aplikojnë për komisionerë, jemi të hapur dhe për takime të tjera”, u shpreh ndër të tjera Gjiknuri.

Për më shumë bëhu pjesë e grupit më viral në Facebook, Dosja.al

Këto deklarata u bënë pasi Këshilli Politik dështoi dhe nuk u arrit asnjë marrëveshje. Pas më shumë se 3 orësh bisedime në mbledhjen e sotme palët nuk kanë rënë dakord për shumë pika dhe kanë hedhur akuza kundër njëra-tjetrës. Përfaqësuesit politikë dhe pse u ndihmuan nga një përfaqësues i SHBA-së nuk kanë arritur marrëveshjen që pritej nga të gjithë.

(A.B. Dosja.al)

Shto Koment