Politike

‘’Topi në fushën e Bashës’’/ Gjiknuri i paqartë: S’di pse nuk e aprovon, marrëveshja për Reformën Zgjedhore ka fituar

Bashkëkryetari i Komisionit për Reformën Zgjedhore Damian Gjiknuri shprehet se marrëveshja për Reformën Zgjedhore nuk ka humbur por ka fituar teksa shton se në produkt janë adresuar të gjitha kërkesat e opozitës.
Featured image of article: ‘’Topi në fushën e Bashës’’/ Gjiknuri i paqartë: S’di pse nuk e aprovon, marrëveshja për Reformën Zgjedhore ka fituar Damian Gjiknuri

TIRANË- Bashkëkryetari i Komisionit për Reformën Zgjedhore i ftuar në emisionin ‘’Real Story’’ të Sokol Ballës në News24 ka komentuar deklaratën e Yuri Kim duke thënë se nuk po e kupton pse Basha me opozitën nuk po aprovojnë konsensusin për marrëveshjen.

Gjiknuri shprehet se marrëveshja për Reformën Zgjedhore nuk ka humbur por ka fituar teksa shton se në produkt janë adresuar të gjitha kërkesat e opozitës.

Po ashtu ai thotë se Shqipëria nuk ka pasur probleme me administrimin e zgjedhjeve në 15 vitet e fundit nuk ka pasur probleme por është kultura e mospranimit të rezultatit.

Për më shumë bëhu pjesë e grupit më viral në Facebook, Dosja.al

”Ajo ishte një marrëveshje që ka adresuar kërkesat e opozitës dhe nuk e di pse nuk ka dhënë ok. Ka qenë një refren politik, ajo marrëveshje nuk ka humbur por ka fituar, ka fituar zgjedhjet, garancitë dhe menaxhimin. Një proces i depolitizuar dhe rezultati që presin shqiptarët. Por e kam bindje se në 15 vitet e fundit Shqipëria nuk ka pasur probleme por ka qenë kultura e mospranimit të zgjedhejve. Është më shumë debat politik. Pra ne fatkeqësisht kthehemi e bëjmë Reforma që nuk ndryshojnë kulturën e mospranimit të rezultatit.”- tha Gjiknuri.

Marrë nga BalkanWeb

Shto Koment