Politike

“Gjaku i dëshmorëve nuk do bëhet kurrë ujë”, Meta kujton Arben Zylyftarin: Me rëndësi jetike që Policia e Shtetit të jetë shembulli i respektimit të ligjit

Në një postim në mediat sociale, kreu i shtetit shprehet se gjaku i dëshmorëve të atdheut nuk do të bëhet kurrë ujë.
Featured image of article: “Gjaku i dëshmorëve nuk do bëhet kurrë ujë”, Meta kujton Arben Zylyftarin: Me rëndësi jetike që Policia e Shtetit të jetë shembulli i respektimit të ligjit Arben Zylyftari dhe Ilir Meta

TIRANË- Presidenti Ilir Meta ka kujtuar sot dëshmorin e ardheut Arben Zylyftarit. Në një postim në mediat sociale, kreu i shtetit shprehet se gjaku i dëshmorëve të atdheut nuk do të bëhet kurrë ujë.

Meta shton se lufta ndaj drogës e banditëve të lidhur me politikën duhet të vazhdojë për të cuar Shqipërinë drejt rrugës europiane. Ai shprehet gjithashti se është me rëndësi jetike që Policia e Shtetit të jetë shembulli i respektimit të ligjit për t’u shërbyer me nder, përkushtim e dinjitet qytetarëve, duke u distancuar nga lidhjet me krimin, politikën dhe praktikat arbitrare.

 “Sot nderojmë me vlerësim, mirënjohje e respekt të thellë kujtimin, veprën dhe sakrificën sublime të Dëshmorit të Atdheut, Kolonel Arben Zylyftarit, i cili ra në krye të detyrës 20 vite më parë në luftë me krimin. Dita e sotme na risjell në vëmendje qindra Dëshmorë të Policisë së Shtetit, që të udhëhequr nga ndershmëria, përkushtimi dhe përgjegjësia e lartë qytetare e shtetërore, sakrifikuan jetën e tyre për mbrojtjen e rendit, qetësisë e sigurisë publike, por edhe të vlerave e parimeve që duhet të udhëheqin cilindo që mban veshur uniformën e shtetit.

Për më shumë bëhu pjesë e grupit më viral në Facebook, Dosja.al

Është me rëndësi jetike që Policia e Shtetit të jetë shembulli i respektimit të ligjit për t’u shërbyer me nder, përkushtim e dinjitet qytetarëve, duke u distancuar nga lidhjet me krimin, politikën dhe praktikat arbitrare. Lufta kundër drogës dhe banditëve të lidhur me politikën është kusht thelbësor për integrimin europian, dhe çdo neglizhencë do të ketë pasoja tepër të rënda për të ardhmen e vendit! Gjaku i Dëshmorëve të Atdheut, nuk do të bëhet ujë dhe mbarë populli shqiptar do t’i kujtojë përherë me krenari e respekt Heronjtë e tij! 🇦🇱”, shkruan Meta.

Reagimi i Metës vjen sot kur shënohen 20 vjet që nga vrasja në krye të detyrës të drejtorit të Policisë së Prefekturës së Shkodrës, Kolonel Arben Zylyftari. Ai ka mbetur i vdekur pasi ka marrë një breshëri plumbash automatiku gjatë drejtimit të një operacioni kundër dy personave të kërkuar.

(A.B. Dosja.al)

Shto Koment