Politike

Genti Gazheli shfaqet sërish, i veshur sport dhe krah Ahmetajt shijon xhiron në ish-Bllok (FOTO)

Sot ish-diplomati është parë në shoqërinë e një prej njerëzve më të afërt të Ramës, ish-ministrin e Financave, Arben Ahmetajn.
Featured image of article: Genti Gazheli shfaqet sërish, i veshur sport dhe krah Ahmetajt shijon xhiron në ish-Bllok (FOTO) Genti Gazheli dhe Arben Ahmetaj

TIRANË- Ish-Ambasadori i Shqipërisë në Turqi, Genti Gazheli, u shkarkua nga detyra, pas publikimit të dokumentarit nga “Le Iene” për Alvin Berishën, pasi gazetarët hidhnin akuza se diplomati nuk u ishte përgjigjur.

Gazheli ato ditë nuk preferoi që të fliste as me gazetarët shqiptarë duke mbyllur telefonin dhe qeveria nuk e mbrojti atë, por tha se vetëm po punonin për të nxjerr Alvinin nga kampi.

Genti Gazheli dhe Arben Ahmetaj

Sot ish-diplomati është parë në shoqërinë e një prej njerëzve më të afërt të Ramës, ish-ministrin e Financave, Arben Ahmetajn.

Të veshur të dy sport, Gazheli dhe Ahmetaj, ecin në Bllok të pa shqetësuar nga kalimtarët. Dosja.al ka mundur të sigurojë një foto nga xhiroja e së dielës e ish-diplomatit dhe deputetit të PS.

Historia e Alvin Berishës që solli shkarkimin e Gazhelit

Historia e 11-vjeçarit u bë publike nga emisioni investigativ italian “Le Ienne”, ku me ndihmën e gazetarëve, pas pesë vitesh kërkimeve në fund, i ati i dëshpëruar Afrim Berisha, arriti të depërtonte ne kampet e Sirisë dhe takoi të birin, në 25 shtator të këtij viti.

Tre ditë pas publikimit të investigimit të “Le Iene” për rastin e fëmijët 11 vjeç dha dorëheqjen edhe Genti Gazheli, ambasadori i Shqipërisë në Turqi, por të prekurit nga historia e të voglit shqiptar nuk u  dorëzuan.

Italianë, shqiptarë dhe njerëz anëmbanë botës bashkë me median ushtruan presion mbi qeverinë shqiptare dhe organet kompetente në mënyrë që 11-vjeçari të hidhej sërish në krahët e të atiti dhe këtë herë për të mos u larguar më kurrë.

(A.B. Dosja.al)

Shto Koment