Politike

‘5 kryebashkiakët vetëm maja e ajsbergut’/ Bardhi ‘ngacmon’ për emrin e socialistit të radhës: Kush është? Rama, përgjegjës kryesor (VD)

Sekretari i Përgjithshëm i PD, Gazment Bardhi ka postuar një video të kryeministrit Edi Rama, i cili shprehej se mezi priste të mësonte se kush do të ishin të kapurit e parë në 'rrjetën' e dekriminalizimit. 
Featured image of article: ‘5 kryebashkiakët vetëm maja e ajsbergut’/ Bardhi ‘ngacmon’ për emrin e socialistit të radhës: Kush është? Rama, përgjegjës kryesor (VD) Gazment Bardhi

TIRANË– Sekretari i Përgjithshëm i PD, Gazment Bardhi ka ‘ngacmuar’ sërish për emrin e kryebashkiakut socialist të radhës, i cili sipas tij ka gënjyer në formularin e dekriminalizimit. 

Bardhi ka postuar një video të kryeministrit Edi Rama, i cili shprehej se mezi priste të mësonte se kush do të ishin të kapurit e parë në ‘rrjetën’ e dekriminalizimit. 

Edi Rama është përgjegjës kryesor për përfshirjen e krimit në politikë.  5 kryebashkiakët e rinj ilegjitimë, trafikantë droge, hajdutë, falsifikatorë, dhunues apo vrasës janë vetëm maja e ajsbergut të lidhjeve të Edi Ramës  me botën e errët të krimit, tek e cila bazoi karrierën politike dhe po mban pushtetin,”-shkruan Bardhi. 

Për më shumë bëhu pjesë e grupit më viral në Facebook, Dosja.al

Prej muajsh beteja për dekriminalizimin është rikthyer në fokus të debatit politik. Së fundmi, PD akuzon kryebashkiakun e Mallakastrës, Qerim Ismailaj, se sipas demokratëve, ky i fundit ka fshehur një dënim në Greqi, akuza këto, të mohuara nga Ismailaj. Ndërkohë më herët, pas denoncimit të bërë nga selia blu, fituesi i zgjedhjeve të 30 qershorit në Shkodër, Valdrin Pjetri dha dorëheqjen pasi u akuzua për fshehje të dënimit në Itali.

Agim Kajmaku dha dorëheqjen nga drejtimi i Vorës, pasi kishte fshehur dënimin në Greqi në formularin e dekriminalizimit. Ndërkohë që akuzohet edhe kryebashkiaku i Vaut të Dejës, Mark Babani, por pavarësisht nga këmbëngulja e PD, Babani vijon i qetë  punën.

Dy ditë më parë, PD denoncoi kryebashkiakun e Matit Agron Malaj, i cili është kryebashkiaku i 5-të që denoncohet nga Gazment Bardhi për shkelje në formularin e dekriminalizimit. Një prej juristëve të PD-së, Enkelejd Alibeaj, në një intervistë televizive ka deklaruar se nën ‘lupën’ e PD-së janë rreth 15 kryebashkiakë socialistë.

(k.m/dosja.al)

Shto Koment