Aktualitet

Gazetari përplaset me aktivisten/  Gjikondi: Nuk ka ligj për gazetarinë! Rakipi: S’jam aty se ta tregoj unë!

uristja është shprehur se portalet shqiptare janë kobzeza, ndërsa gazetari i është përgjigjur duke i thënë se shtypi është i lirë.
Featured image of article: Gazetari përplaset me aktivisten/  Gjikondi: Nuk ka ligj për gazetarinë! Rakipi: S’jam aty se ta tregoj unë! Ylli Rakipi dhe Brizida Gjikondi

TIRANË- Ligji për memet ka provokuar sërish debate në studion e Vizion Plus.

E ftuar në “Spotlight”, juristja dhe aktivistja e njohur Brizida Gjikondi është përplasur me Kryetarin e Shoqatës së Gazetarëve, Ylli Rakipin teksa diskutohej se si duhet të vetërregullohet gazetaria dhe a duhet një ligj për ta arritur këtë apo jo. Juristja është shprehur se portalet shqiptare janë kobzeza, ndërsa gazetari i është përgjigjur duke i thënë se shtypi është i lirë.

Pjesë nga debati:

Brizida Gjikondi: Sot e kësaj dite, ne nuk kemi një ligj për gazetarinë. Sepse të arrish të bësh sanksione, ndërkohë, vetë gazetarët shqiptarë nuk janë organizuar që të kenë një Kod Etik, disa rregulla të pashkruara, betimin e gazetarit, siç është në gjithë Ballkanin, siç është në gjithë Evropën. Portalet shqiptare janë kobzeza. Ke frikë t’i hapësh.

Ylli Rakipi: Bëj një ligj zotrote dhe futi në burg gazetarët…

Për më shumë bëhu pjesë e grupit më viral në Facebook, Dosja.al

Brizida Gjikondi: Po, kush tha që të futen në burg? Absolutisht fare. Po duhet të ketë vetrregullim të gazetarëve, pastaj si trung i organizuar mund të mbrojnë të drejtat e tyre.

Ylli Rakipi: Shtetet e Bashkuara të Amerikës kanë një frazë: Shtypi është i lirë!

Brizida Gjikondi: Po këtë e ka dhe Kushtetuta shqiptare, neni 22, liria e shprehjes. Po kjo s’do të thotë ta dëmtosh, ta denigrosh.

Ylli Rakipi: Po s’jam aty se ta tregoja unë.

(A.k.dosja.al)

Shto Koment