Politike

Gazetarët e ndoqën “këmba-këmbës”, Meta shkon pa eksortë në Kuvend, shoqërohet nga këngëtarja e njohur (FOTOT)

I veshur me kostum presidenti Meta, shoqërohej nga tre këshilltarët e tij, ndërsa gazetarët e ndiqnin "këmba-këmbës."

TIRANË– Presidenti Ilir Meta e ka përshkruar në këmbë rrugën nga Presidenca deri tek Kuvendi, ku edhe do të mblidhej Komisioni Hetimor. 

I veshur me kostum presidenti Meta, shoqërohej nga tre këshilltarët e tij, ndërsa gazetarët e ndiqnin “këmba-këmbës.”

Kur ka mbërritur në ambientet e Kuvendit, Meta është shoqëruar nga këngëtarja Rosela Gjylbegu. 

Kjo e fundit në Kuvend mbulon çështjet e barazisë gjinore në zyrën e Marrëdhënieve me Publikun pranë kreut të Kuvendit.

Ditën e sotme presidenti Ilir Meta doli para Komisionit Hetimor. Për gati 3 orë, ashtu edhe siç e kishte njoftuar presidenti i Republikës, Ilir Meta ka raportuar para Komisionit Hetimor të ngritur nga socialistët për shkarkimin e tij. Kreu i shtetit, është shprehur se vendimi për anulimin e zgjedhjeve, dhe shoqërimi me dekret, është bërë pasi ka patur informacione sekrete dhe të kualifikuara, se Kuvendi do të digjej nga disa persona.

(k.m/dosja.al)

Shto Koment