Politike

Gara për rrugën Milot-Fier, PD: Fituesi është përcaktuar, po përdoret një kompani greke prapa së cilës fshihen sipërmarrës shqiptarë

Partia Demokratike ka hedhur akuza ndaj qeverisë në lidhje me garën për rrugën Milot-Fier, duke thënë se fituesi është përacktuar dhe do të përdoret një komapni greke, prapa së cilës fshihen sipërmarrës shqiptarë.
Featured image of article: Gara për rrugën Milot-Fier, PD: Fituesi është përcaktuar, po përdoret një kompani greke prapa së cilës fshihen sipërmarrës shqiptarë Edi Rama gjatë prezantimit të projektit të aksit Milot-Fier dhe Dorian Teliti

TIRANË- Partia Demokratike nëpërmjet Dorian Telitit, drejtorit të kabinetit të kryetarit Lulzim Basha, ka reguar në lidhje me projektin e prezantuar sot nga kryeministri Edi Rama dhe ministrja e Infrastrukturës, Belinda Balluku, për rrugën Milot-Fier. Sipas Telitit, nuk ekziston asnjë tender ndërkombëtar, pasi fituesi është i përcaktuar. Më tej ai ka shtuar, se prapa fituesi është një kompani greke, prapa së cilës qëndrojnë sipërmarrës shqiptarë. Teliti është shprehur, se çdo vendim i qeverisë 12 muaj para zgjedhjeve, do të verifikohet..

Njoftimi i plotë

Në fundin e qeverisjes së tij të dështuar dhe më të korruptuarën që Shqipëria ka patur në 3 dekada, Edi Rama po bën çdo gjë për t’u pasuruar vetë përmes tenderave dhe koncesioneve të paracaktuar. Rruga që prezantoi sot, Milot-Fier, është modeli sesi qeveria në ikje po përpiqet të grabisë qytetarët deri në momentin e fundit, përmes një të ashtuquajturi tender ndërkombëtar. Nuk ka asnjë tender të vërtetë ndërkombëtar. Binzeset kanë denoncuar se fituesi i aferës 1.2 miliardë euro është paracaktuar, duke përdorur një kompani greke pas të cilës qendrojnë sipërmarrës shqiptarë që kanë pastruar edhe më parë paratë e kryeministrit në kulla kuq e zi.
Partia Demokratike po i pasuron këto informacione dhe shumë shpejt do të denoncojmë me detaje aferën më të madhe korruptive të kësaj qeverie në ikje, aferën 1.2 miliardë euro të rrugës Milot-Fier. Ajo që sot u pa sot nga Edi Rama dhe Belinda Balluku ishte një shfaqje e shëmtuar me shqiptarët, të cilët po vidhen me çdo vendim të qeverisë në ikje.
Fatura që do të paguajnë këtë herë është 1.2 miliardë euro për një rrugë ku vetëm 53 kilometra janë në gjurmë të re, ndërsa 62 të tjerat kalojnë në rrugë ekzistuese.
Afera 1.2 miliardë euro e Edi Ramës dhe Belinda Ballukut do t’u kushtojë shumë shtrenjtë shqiptarëve. Që qeveritarët aktualë të mbushin xhepat e tyre me miliona euro, qyetarët detyrohen sot nga ky kryeministër që për 35 vjet të paguajnë për të kaluar në autostradat ekzistuese, ku sot të gjithë kalojnë pa para. Me çmimin e bërë publik, një udhëtim vajtje-ardhje në rrugën e prezantuar sot do të kushtojë 17,4 euro, ndërsa një udhëtim vajtje ardhje nga Morina në Fier do të kushtojë jo më pak se 27 euro. Partia Demokratike e ka bërë të qartë qendrimin e saj për vendimet e qeverisë në ikje të Edi Ramës. Çdo vendim i marrë në 12 muajt e fundit përpara zgjedhjeve nuk do të njihet nga qeveria e ardhshme përpara se t’i nënshtrohet një verifikimi të hollësishëm mbi ligjshmërinë e tij.

Për më shumë bëhu pjesë e grupit më viral në Facebook, Dosja.al

Qeveria çeli sot garën ndërkombëtare për segmentin rrugor Fier-Milot, i cili është pjesë e korridorit Adriatiko-Jonian. Ministrja Balluku bëri me dije, se ky projekt do të kushtojë 1.2 miliardë euro dhe pritet të jetë i aksesueshëm jo më parë se viti 2026. Ajo bëri me dije se aksi do të jetë me pagesë, ndërsa shtoi se do të ketë edhe një rrugë pa pagesë, që do të mirëmbahet nga kompania.

(g.sh./dosja.al)

Shto Koment