Aktualitet

Gara për Gjykatën e Lartë/ Përfundon faza e parë e verifikimit të 22 kandidatëve jo gjyqtarë

Për 22 pretendentët që janë jashtë sistemit të drejtësisë, e që synojnë 3 vende në Gjykatën e Lartë, Këshilli i Lartë Gjyqësor nisi menjëherë për ta Vettingun. Më 5 shtator 3 institucionet, Inspektorati i Pasurisë, DSIK dhe Prokuroria e Përgjithshme kanë afat që të dorëzojnë me shkrim në KLGJ gjetjet për secilin kandidat.
Featured image of article: Gara për Gjykatën e Lartë/ Përfundon faza e parë e verifikimit të 22 kandidatëve jo gjyqtarë Gjykata e Lartë

Tiranë- Nga 22 kandidatët që janë jashtë sistemi të drejtësisë, që garojnë për Gjykatën e Lartë, vetëm 3 prej tyre do të shpallen fitues. Për këto vende vakante ditën e sotme KLGJ nisi menjëherë Vettingun për ta. Mësohet se Këshillit të Lartë Gjyqësor konfirmoi se ka përfunduar vetëm faza e parë që është verifikimi i vërtetësisë së dokumentacionit të dorëzuar nga kandidatët.

Verifikimi për 22 kandidatët është bërë nga inspektorati i pasurisë (ILDKPKI), Drejtoria e Sigurimit të Informacionit të Klasifikuar (DSIK), si dhe nga Prokuroria e Përgjithshme.

Pritet që faza e dytë të përfundojë  më datë 5 Shtator, ku është është faza që të tre këto institucione do ti argumentojnë me shkrim KLGJ-së gjetjet për çdo kandidat, pastërtinë e figurës, problemet me pasurinë, apo dhe ndjekjet penale.

Gjykata e Lartë duhet të funksionojë me 19 anëtarë, ku 16 prej tyre duhet të jenë gjyqtarë karriere dhe 3 nga avokatia, shoqëria civile, pedagogë ose jurist i shquar me mbi 15 vjet punë.

22 kandidatët për anëtarë të Gjykatës së Lartë
Sergjio Mazreku

Ndue Pjetra

Ergys Meta

Jetmira Rragami

Aldona Sulaj

Jordan Daci

Lindita Troja

Alma Loci

Hermina Albunesa

Rezarta Melo

Agron Malaj

Ervin Pupe

Theodhori Sollaku

Irena Nino

Vjosa Bodo

Shaqir Hasanaj

Kestrin Katro

Sokol Sadushaj

Ilir Panda

Ardita Buna

Anton Lleshaj

Altin Binaj

Përveç Gjykatës së Lartë, jashtë funksionit është edhe Gjykata Kushtetuese. KED ka përfunduar procesin e intervistave me kandidatët për në Gjykatën Kushtetuese.  Në garë janë Arta Vorpsi, Elsa Toska, Fiona Papajorgji, Regleta Panajoti, Marsida Xhaferllari dhe Besnik Muçi. KED ka vendosur që të vijojë menjëherë me shqyrtimin e dokumentacionit të çdo kandidati, për të bërë vlerësimin dhe pikëzimin e tyre. Këto vlerësime do ia dërgojë Kuvendit dhe Presidencës. (lexo këtu)

J.V/Dosja.al 

Shto Koment