Politike

Gara për bashkitë/ Zëvendësohen deputetët e PS-së, marrin mandatet Eljo Hysko dhe tre të tjerë

Deputetët e rinj në parlament janë: Eljo Hysko, Adriana Jaku, Ardit Konomi dhe Florenc Spaho.
Featured image of article: Gara për bashkitë/ Zëvendësohen deputetët e PS-së, marrin mandatet Eljo Hysko dhe tre të tjerë Eljo Hysko,  zv/ministrja e Shëndetësisë Adriana Jaku, Ardit Konomi dhe Florenc Spaho
Përditësuar:

TIRANË- Kreu i FRESSH Eljo Hysko, zv/ministrja e Shëndetësisë Adriana Jaku, Ardit Konomi dhe Florenc Spaho kanë marrë mandatet e deputetëve ditën e sotme nga KQZ.

Kjo erdhi pasi 4 deputetë lanë mandatet pasi do të garojnë për kryetar bashkie në zgjedhjet lokale të 30 qershorit.

Mësohet se Eljo Hysko ka marrë mandatin e deputetit Rakip Sulit që kandidon në Kamëz. Ardit Konomi ka marrë mandatin e Ilir Xhakollit, që do të garojë për bashkinë Pogradec. Ndërsa zv/ministrja e Shëndetësisë  Adriana Jaku ka marrë mandatin e lënë nga Pjerin Ndreut, pasi ky kandidon për bashkinë Lezhë. Florenc Spaho mori mandatin e Nuri Belbës  i cili kandidon në Prrenjas. Të katër deputetë e rinj  pritet që të betohen në seancën e nesërme plenare në Kuvend.

VENDIMET E KQZ-së

“Për dhënien e mandatit të deputetit të Kuvendit të Shqipërisë, kandidatit të listës shumemërore të Partisë Socialiste, Qarku Tiranë, për plotësimin e vakancës së njoftuar nga Kuvendi i Shqipërisë, pas dorëheqjes nga mandati i deputetit, të z. Rakip Bajram Suli”. KQZ vendosi t’i japë mandatin e deputetit të Kuvendit të Republikës së Shqipërisë, kandidatit të radhës në listën shumemërore të Partisë Socialiste, Qarku Tiranë,  z. Eljo Kastriot Hysko.

“Për dhënien e mandatit të deputetit të Kuvendit të Shqipërisë, kandidatit të listës shumemërore të Partisë Socialiste, Qarku Lezhë, për plotësimin e vakancës së njoftuar nga Kuvendi i Shqipërisë, pas dorëheqjes nga mandati i deputetit, të z. Pjerin Zef Ndreu”. KQZ vendosi t’i japë mandatin e deputetit të Kuvendit të Republikës së Shqipërisë, kandidatit të radhës në listën shumemërore të Partisë Socialiste, Qarku Lezhë, znj. Adriana Hile Jaku.

“Për dhënien e mandatit të deputetit të Kuvendit të Shqipërisë, kandidatit të listës shumemërore të Partisë Socialiste, Qarku Elbasan, për plotësimin e vakancës së njoftuar nga Kuvendi i Shqipërisë, pas dorëheqjes nga mandati i deputetit, të z. Nuri Belba”. KQZ vendosi t’i japë mandatin e deputetit të Kuvendit të Republikës së Shqipërisë, kandidatit të radhës në listën shumemërore të Partisë Socialiste, Qarku Elbasan, z. Florenc Fatmir Spaho.

“Për dhënien e mandatit të deputetit të Kuvendit të Shqipërisë, kandidatit të listës shumemërore të Partisë Socialiste, Qarku Korçë, për plotësimin e vakancës së njoftuar nga Kuvendi i Shqipërisë, pas dorëheqjes nga mandati i deputetit, të z. Ilir Telha Xhakolli”. KQZ vendosi t’i japë mandatin e deputetit të Kuvendit të Republikës së Shqipërisë, kandidatit të radhës në listën shumemërore të Partisë Socialiste, Qarku Korçë, z. Ardit Petrika Konomi.

(J.V. Dosja.al)

Shto Koment