Politike

Fushata/ Rama pritet me protesta, përplasje fizike mes Salianjit dhe Policisë në Korçë

Kryeministri Edi Rama vijon fushatën. Sot ka prezantuar kandidatët e PS-së për zonën e Korçës. Si në çdo qytet tjetër Rama është pritur edhe në Korçë me protesta. Mes protestuesve, të drejtuar nga ish-deputetët Ervin Salianji dhe Endrit Braimllari, dhe policisë ka pasur edhe përplasje fizike.
Featured image of article: Fushata/ Rama pritet me protesta, përplasje fizike mes Salianjit dhe Policisë në Korçë Ervin Salianji dhe Edi Rama

KOLONJË– Kryeministri Edi Rama ka vijuar me fushatën elektorale në zonën e Korçës.

Si në çdo qytet tjetër, Rama është pritur me protesta nga ish-deputetë opozitarë dhe mbështetës së tyre. Në zonën e Korçës, qytetarët janë drejtuar nga Ervin Salianji dhe Endrit Braimllari. Gjatë protestës së tyre ata janë përplasur fizikisht me policinë.

Ndërkohë në Kolonjë, është prezantuar kandidati Erion Isai. Në mbështetje të tij ka qënë edhe ministrja Elisa Spiropali, e cila i ka siguruar qytetarët se aktori i humorit do të punonte për qytetin. Edhe vetë Isai, gjatë fjalës së tij para qytetarëve, ka paralajmëruar kryeministrin Edi Rama se do t’i kërkonte investime.

Për më shumë bëhu pjesë e grupit më viral në Facebook, Dosja.al

Ndërsa kryeministri Rama nga qyteti i Korçës, ka premtuar ndërtimin e një aeroporti të vogël turistik dhe restaurimin e stadiumit të skuadrës së Skënderbeut.

Rama nuk la pa komentuar as situatën aktuale politike, duke “thumbuar” edhe kundërshtarët politikë për vendimin e tyre për bojkotimin e zgjedhjeve. Kryeministri ka përsëritur thirrjen se zgjedhjet do të bëhen më 30 qershor duke dalë kundër presidenti Ilir Meta, i cili i ka anuluar ato.

(k.m & a.s/dosja.al)

  • 22:26

    Rama tregon incidentin, zbulon se si banditët e ndoqën Niko Peleshin deri në oborrin e policisë

    Kryeministri Edi Rama ka zbuluar një incident në vitin 2011 kur për bashkinë e Korçës garonte Niko Peleshi. Rama tregoi se gjatë fushatës elektorale Peleshi është ndjekur nga banditë.

    “Në zgjedhjet e vitit 2011 në Korçë, deri brenda në oborrin e policisë i shkonin pas banditët Niko Peleshit, dhe drejtori i Policisë i thoshte e kemi hapur policinë dhe për qytetarët, jemi transparentë, nuk kemi çfarë t’i themi qytetarit”, tha kryeministri gjatë takimit elektoral në Korçë.

  • 22:26

    Kontrolle në çanta dhe trup, masat e rrepta të sigurisë në mitingjet e Ramës (Foto)

    Ditën e sotme kryeministri Edi Rama zhvilloi disa takime me qytetarët në zonën e Korçës në kuadër të zgjedhjeve lokale.

    Në takimet e tij nëpër qytet e vendit, Rama është pritur me protesta nga banorët, ndërsa, siç mund të shihet edhe nga foto, masat e sigurisë në mitingje janë mjaft të rrepta.

    Lidhur me kontrollet e rrepta ka reaguar edhe ish-deputeti i PD-së, Ervin Salianji, i cili i quajti poshtërim të administratës.

    “Pasi u detyrua të devijojë rrugën, pasi përdori policinë për të dhunuar dhe goditur qytetaret, tani poshteron grate dhe burrat e administrates qe ka ftuar ne koncert duke i kontrolluar me dedektor në takimin gjysem bosh!,“-shkruan Salianji.

    Postimi i plotë:

  • 20:22

    Elisa Spiropali e quan 'Skënderbe'/ Rama bën batutën, jep premtimin për korçarët

    Nga Korça kryeministri Edi Rama ka premtuar do të ndërtojë stadiumin “Skënderbeu” dhe se Korça do të ketë një aeroport të vogël turistik.

    “Duhet të rikthejmë për Korçën aeroportin. Sot që flasim kemi një kantier në Kukës, aeroporti i Kukësit është në ndërtim. Në aeroportin e Vlorës kemi hasur disa probleme me palën tjetër megjithatë kemi avancuar dhe me padiskutim do të rifillojmë ndërtimin. Jemi në proces për të hapur rrugën për aeroportin e Sarandës. Dhe në Korçë ku uleshin avionët e vegjël në 1924, dhe ku ka një fluks turistësh që rritet, është e domosdoshme që të bëhen të paktën dy gjëra: E para një zonë e re turistike dimërore për skitë sepse mundësitë janë fantastike dhe një zonë turistike e klasit të lartë për Korçën ka ardhur koha të ndërtohet, e dyta edhe një aeroport i vogël turistik plotëson kornizën e këtij qyteti të një turizmi qytetar. Dhe nga ana tjetër, duke qenë se është edhe Elisa deputete e qarkut të Korçës i ka ardhur koha edhe stadiumit të Skënderbeut. Në këto katër vite të mandatit të Sotiraqit do të mbështesim ndërtimin e stadiumit të Skënderbeut, së bashku me pishinën që Korça ka pasur më parë për ta përfunduar Parkun Olimpik për të ardhur edhe skuadra të huaja për stërvitje”, tha Rama.

  • 19:08

    Bidona uji dhe gurë, kryeministri pritet me protesta e thirrje "Rama ik" në Korçë

    Teksa shkonte për në Korçë, ekskorta e kryeministri Edi Rama është pritur me protesta.

    Dhjetëra protestues dolën në aksin rrugor që lidh Korçën me Bilishtin, me qëllim për të penguar kalimin e eskortës së kryeministrit.

    Në momentin kur eskorta e tij është afruar, protestuesit kanë qëlluar me bidona uji, shishe e gurë, në drejtim të tyre.

  • 17:35

    PS vijon fushatën, përplasje fizike mes Salianjit dhe Policisë në Korçë

    Ndërkohë që kryeministri Edi Rama po vijon me fushatën elektorale në zonën e Korçës, është pritur me protestat nga qytetarët.

    Qytetarët mbështeten nga sekretari i Përgjithshëm i LSI-së Endrit Braimllari dhe ish-deputeti i PD-së, Ervin Salianji.

    Në një moment ka pasur edhe përplasje fizike mes turmës së protestuesve dhe policisë.

  • 17:35

    “Ju vraftë Zoti, ju zëntë buka e kalamajve”, Rama komenton mallkimet e Neritan Cekës

    Kryeministri Edi Rama ka përmendur nga Kolonja mallkimet e pedagogut të njohur Neritan Cekës për qytetarët se do të votonin më 30 qershor.

    Rama tha se Ceka dukej sikur sapo kishte dalë nga filxhani i kryetares së LSI-së, Monika Kryemadhit.

    “Menduam se i kishim parë të gjitha, po një grua që drejton një parti politike me mallkime. Këtë nuk e kishim parë. U fut mallkimi si kategori politike. Pashë që e kishte zënë tartakuti edhe Neritan Cekën. Mallkonte sikur gërrmuar tërë natën në filxhanin e Monikës. Profesor, 70 vjeç burrë, i nderuar, ishtë bërë që…po të mos kishte flokët e bardha do të dukej sikur të kishte dalë xhindi nga filxhani. Jemi bërë për të qeshur, jemi bërë për të qarë,”-tha Rama. 

  • 17:35

    Kriza politike, Rama krahasohet me opozitën e Bashës: Edhe ne kemi dalë nga Kuvendi

    Kryeministri Edi Rama gjatë një takimi me qytetarët në Kolonjë në kuadër të fushatës elektorale ka krahasuar opozitën e PS me atë të PD-së.

    Sipas Ramës, edhe opozita që ai drejtonte vite më parë ishte larguar nga Kuvendi por kurrë nuk kishte ndërmarrë hapa të tillë radikalë.

    “Nuk është hera e parë që partitë dalin nga Kuvendi, se kemi dalë dhe ne. ata thanë do shkrihemi me popullin. Por nuk u shkrinë me popullin. I nxitën që të shkelin ligjin, që të gjuajnë policinë për llogari të tyre. Tani që pushteti në demokraci nuk merret dot me dhunë kjo dihet, pushteti nuk janë godinat fizike kjo dihet. Pushteti buron nga vota e popullit. Për sa kohë nuk e ke s’ke si ta kesh edhe pushtetin. Këtë ata e dinë. Janë gënjeshtarë të pacipë dhe manipulatorë të paskupullt. Ata qëllimin e kanë gjetkë. Duan që ta bëjnë Shqipërinë copë-copë në sytë e një dynjaje të tërë. Pse gëzohen dhe festojnë për përplasjet. Sepse kur këto imazhe shpërndahen ata që nuk duan t’I hapin negociatat thonë: Çfarë negociatash do hapim me këta, këta sjanë normalë. Arsyeja është që Shqipëria duhet të ulet në tryezë,”-tha Rama. 

  • 17:35

    Kandidati i PS, Erion Isai paralajmëron Ramën: Do të ta nxij jetën

    Kandidati i PS-së për Kolonjën, Erion Isai ka folur para elektoratit të tij në hapjen e fushatës nga PS.

    Isai ka paralajmëruar kryeministrin Edi Rama se do t’ja “nxijë jetën” duke i kërkuar investime për zonën në të cilën ai kandidon.

    Do t’ua nxi jetën për projekte dhe investime në Kolonjë. Ta zgjojmë dhe ta bëjmë Kolonjën për turizimin dhe ndoshta do ndodhë edhe çudia. Ndoshta Niko Peleshi do ta lërë Korçën dhe do të vijë për pushime në Ersekë. I them dy fjalë zemre bashkëmoshatarve, ejani dhe investohoni këtu,”-u shpreh Isai.

  • 17:35

    Erion Isai prezantohet në Kolonjë, Spiropali i tregon mangësinë: Ka bërë karrierë të mirë, por…

    Ministrja për marrëdhënien me Parlamentin, Elisa Spiropali gjatë prezantimit të kandidatit për Kolonjën, aktorin e humorit, Erion Isai ka treguar edhe mangësinë e tij.

    Spiropali tha se Isai kishte bërë një karrierë të mirë në Tiranë por nuk kishtë mundur të bënte diçka për vendin e tij.

    Këtu në Kolonjë kemi sjellë djalin tuaj, Erion Isain. Ai ka bërë një karrierë të mirë në Tiranë, por i mungonte kontributi për Kolonjën. Ai ka dashurinë për këtë vend dhe për këtë ka sjellë bashkëshorten dhe vajzën këtu dhe ka vendosur të kthehet të jetojë këtu së bashku me ju. Ju nuk e kuptoni dhe nuk mund ta besoni që katër veta që çfarë nuk i kanë bërë Shqipërisë, mund të guxojnë më të luajnë me fatinë  e saj dhe unë kam besim se ju do të jepni një shembull në votime dhe do të tregoni se PS meriton të votohet”, u shpreh Spiropali.

Shto Koment