TIRANE – Ka nisur procesi i liçensimit të klubeve shqiptare të Superiores. FSHF i ka ftuar klubet, që deri në fund të muajit mars të ketë plotësuar dhe dorëzuar dosjet, në mënyrë që të shikohet, nëse ato i plotësojë kushtet për në garat europiane në sezonin në vijim.
“Sektori i liçensimit në Federatën Shqiptare të Futbollit informon të gjithë klubet dhe opinionin publik se ka filluar procesi i liçensimit të klubeve aplikante për një liçencë në kompeticionet e FSHF-së dhe UEFA-s për sezonin e ardhshëm 2021-2022.
Ky proces do të përmbyllet më 31 mars 2021, sipas afateve të vendosura nga UEFA. Gjatë kësaj periudhe klubet aplikante për liçensë duhet të paraqesin në Sektorin e Liçensimit në FSHF të gjithë dokumentacionin e kërkuar për të përmbushur pesë kriteret që kërkohen për të përmbyllur me sukses këtë proces. Duke filluar me kriterin sportiv, atë infrastrukturor, administrativ, ligjor dhe kriterin financiar, i cili është edhe kriteri me peshë specifike në raport me kriteret e tjerë.
Ashtu si edhe në vitin e shkuar, sektori i liçensimit do të organizojë seminare dhe takime bilaterale me të gjithë klubet aplikante për liçensë, për t’i asistuar dhe ndihmuar në këtë proces”,- njofton sektori i liçensimit në FSHF përmes faqes zyrtare në ueb
B.T (Dosja.al)
