Bota

Francë/ Vritet me thikë oficerja e policisë, dyshohet për sulm terrorist

Oficerja e policisë franceze ka ngelur e vrarë në sulmin me thikë në stacionin e policisë afër Parisit. Incidenti ka ndodhur në një stacion policie në Rambouillet, ndërsa ajo kryente detyra administrative në tryezën e përparme. Vrasja po hetohet si sulm i mundshëm terrorist nga ana e prokurorëve anti-terror.
Featured image of article: Francë/ Vritet me thikë oficerja e policisë, dyshohet për sulm terrorist pamje nga vendngjarja

FRANCË – Oficerja administrative franceze ka vdekur nga plagët pas sulmit në stacionin e policisë në Rambuje, në jug-perëndim të kryeqytetit. Dega e antiterrorizmit ndërhyri për të udhëhequr hetimin për të përcaktuar rrethanat e sulmit me thikë nga një burrë i panjohur për shërbimet e inteligjencës, raporton The Guardian.

Mediat franceze raportuan se një oficer policie ishte plagosur me thikë në hyrje të stacionit të policisë të premten pasdite ndërsa ajo po kthehej nga pushimi i saj në ora 14:20 dhe kishte vdekur nga plagët e saj. Oficerë të tjerë kishin ndërhyrë, duke qëlluar dhe mbizotëruar sulmuesin.

Një burim policor tha se sulmuesi kishte kombësi tuniziane. “Për momentin, është e pamundur të njohësh motivimin e tij,”- u shpreh ai.

Ministri francez i brendshëm, Gérald Darmanin, kryeministri francez, Jean Castex,shkuan në vendin e ngjarjes.

Për më shumë bëhu pjesë e grupit më viral në Facebook, Dosja.al

Castex shkroi në Twitter se Franca kishte humbur një nga “heroinat e saj të përditshme” në sulmin “barbar” dhe “frikacak”. Ai tha se familja e viktimës kishte mbështetjen e plotë të kombit. “Unë u them shërbimeve tona të sigurisë: Unë ndaj emocionin dhe indinjatën e tyre,”- shtoi ai.

Gabriel Attal, zëdhënësi i qeverisë, tha “përballur me këtë dramë të tmerrshme, mendimet e mia janë me këtë grua, familjen dhe kolegët e saj”.

Kjo nuk  është hera e parë që Franca shikon sulme vdekjeprurëse kundër policisë.

(f.i/dosja.al)

Shto Koment