Blerina Bala zgjidhet kryebashkiake e komanduar në Himarë/ Banorët shkaktojnë tensione në mbledhje, një prej tyre pështyn Tavon
Goro dhe Beleri në burg, Këshilli Bashkiak i Himarës zgjedh sot drejtuesin e ri 29 Mars, 09:22 Zgjedhja e drej...
Goro dhe Beleri në burg, Këshilli Bashkiak i Himarës zgjedh sot drejtuesin e ri 29 Mars, 09:22 Zgjedhja e drej...
Atentati ndaj avokatit në Memaliaj/ Reagon policia: Autori qëlloi në ajër për t'i kanosur, sekuestrohet arma e për...
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Nga Fjola Graçi-Dosja.al
TIRANË- Kush i frymëzon, kush i vesh, kush i bën për të qeshur?! Këto janë pyetje që shumëkujt i kalojnë nëpër mend kur një lider politik i del në ekranin e televizorit apo telefonit. Instagrami! Rrjeti social që ka krijuar varësi në miliona adoleshentë dhe të rinj në mbarë botën e ka hedhur “grepin” edhe në Shqipëri. Të gjithë politikanët, duke nisur në ata të niveleve më të larta, që nga kryeministri e deri tek zyrtari më i fundit i administratës, përdorin Instagramin, si rrjet komunikimi, pune, por edhe frymëzimi. Kë ndjekin? Kush i ndjek? A është edhe për politikanët rregulli “Followback” dhe “unfollow” kur raportet janë vaj apo të tensionuara? Dosja.al ka bërë një vëzhgim të detajuar në profilet e politikanëve kryesorë në Shqipëri, ku jemi surprizuar jo me pak të dhëna…
Kryeministri Edi Rama, me një popullaritet të admirueshëm në Instagram, prej gati 451 mijë ndjekësish, ndjek vetëm 16 llogari të tjera, të cilat siç edhe do i shihni i ka zgjedhur me merak. Për të qenë i pari në kohë me çdo model të atleteve “Adidas” që dalin në treg, kryeministri ndjek faqen zyrtare të kompanisë, ku lançohen risitë e gjigantit botëror të veshjeve sportive. Nëse në samitin e radhës e shihni me një palë atelete të reja “Adidas”, mos i ‘vini’ faj… dijeni se nuk mundi ti rezistonte tundimit për një palë “Stan Smith” të reja, akull si dëbora me ajrosje dhe dizenjo të re.
Por atletet duket se nuk janë “mëkati” i vetëm i Ramës në Instagram. I mbani mend “shallvaret” e famshme, që kryeministri i ka inaguruar sa herë që ka ngjarje të rëndësishme. Për t’i “porositur” i pari, Rama ndjek në Instagram “Yamamoto”, për të na befasuar sa herë i jepet mundësia…
Kryeministri e ka kufizuar numrin e llogarive që ndjek në Instagram, duke hequr çdo negativitet që mund t’i dalë përpara nga rivalët. Rama nuk ndjek as konkurrentin e tij, Lulzim Basha, as presidentin Ilir Meta, as Ambasadën Amerikane, dhe as ndonjë nga vartësit e tij të besuar. Të vetmit shqiptarë të njohur në Instagramin e kryeministrit, janë dy pjesëtarët e tij të familjes, Rea Xhillari, vajza e bashkëshortes, Lindës, dhe Greg Rama, djali i madh i Edi Ramës. A gjen “paqe” dhe frymëzim shefi i ekzekutivit në Instagram? Këtë nuk e dimë me siguri, por një element i veçantë është se Rama ndjek hashtagun “architechture”, ku miliona postime që lidhen me dizajnin, projektimin e ndërtesave, dhe arredimin e brendshëm të shtëpive apo zyrave. Një Instagram i “personalizuar” dhe tërësisht privat, ky është përshkrimi që ne të Dosja.al do të thonim nëse do të na pyesnit ta jepnim në një fjali, aktivitetin e kryeministrit në këtë rrjet social.
Një pamje tërësisht tjetër vjen disa qindra metra larg zyrës së kryeministrit. Teksa kalon Bulevardin, në selinë blu, në zyrën e tij, kandidati i ardhshëm për kryeministër, Lulzim Basha, me gjasë përdorues i vetë llogarisë së tij, Instagramin e përdor si rrjet “pune”. Kryedemokrati ka një llogari modeste me rreth 70 mijë ndjekës, ndërsa vetë është sërish i kursyer, ndjek vetëm 30 ‘llogari’.
Në dallim nga kryeministri që ndjek atletet dhe shallvaret, Basha ndjek të parën ambasadoren amerikane në Tiranë, Yuri Kim, për ta pasuar me të tjerë zyrtarë të lartë amerikanë, duke nisur që nga presidenti Donald Trump, e për të vijuar tek ish-presidenti George Bush. Një vend të veçantë për të zë edhe Gjermania. Kryetari i PD-së, ndjek kancelaren Angela Merkel, disa media kryesore evropiane…por asnjë zyrtar të partisë që drejton apo të shtetit shqiptar.
I padekriptueshëm Basha…
Nëse kryetari i Partisë Demokratike është shumë vështirë të lexohet përmes rrjeteve sociale, situata është ndryshe në Presidencë. Presidenti Ilir Meta në “Instagram” është një ‘libër i hapur’… Presidenti ndjek vërtet pak persona, por siç e thotë edhe populli “pak e saktë”. Meta nuk ndjek asnjë “hashtag”, por ndjek 18 llogari interesante. Duke nisur që nga futbollisti shqiptar Arlind Ajeti, Meta nuk e fsheh pasionin për këtë sport të vështirë, e shumë larg peshëngritjes ku ai njihet si “kampion”. Kreu i shtetit nuk lë pas dore mikun e tij të ngushtë Bes Kallakun, të cilin e ndjek për t’u siguruar që i del në “feed” çdo postim i tij.
Po po, të gjitha ato postime për ekipin e “Celticut” ia kanë vlejtur barra qiranë. Presidenti ndjek faqen zyrtare të ekipit, për të parë kur luajnë, ku, dhe çdo detaj tjetër me rëndësi, por edhe të preferuarit e tij në skuadër, Kristoffer.v.ajer.
Presidenti mes Donald Trump dhe Joe Biden duket se e ka bërë zgjedhjen e tij, pasi ndjek Trump. Në Evropë, qëndrimi i tij është i qartë. Kancelarja Angela Merkel është e preferuara e tij, ndërsa të shoqen Meta e ka “lënë” pas dore, e po ashtu edhe mikun e tij të veçantë, doktor Sali Berishën. Presidenti ndjek këngëtaren Bebe Rexha, e njohur për afërsinë farefisnore me Monika Kryemadhin, por nuk e ndjek të shoqen, ndërsa nuk e ka kursyer butonin për këngëtaren Dua Lipa. I çuditshëm Meta….
Ish-kryeministri Sali Berisha duket se e përdor “Instagram” thjesht si “network” të thjeshtë për ta patur aktiv. Me një numër modest ndjekësish, krahasuar me milionin e famshëm në Facebook, ku Berisha mban rekord me postimet për qytetarin dixhital, ai i ka të “zgjedhur” ndjekësit. Berisha ndjek vetëm 4 llogari, ose më mirë le të themi, ndjek familjen e tij. Ish-kryeministri ndjek të birin, Shkëlzenin, por jo bashkëshorten e tij të ardhshme Arminën, dhëndrin, Jamarbërin, zëdhënësen e tij, Erla Mëhillin dhe Fondacionin për Fëmijët Shqiptarë që drejtohet nga e shoqja, Liri Berisha. Berisha nuk ndjek as mikun e tij Ilir Meta, duke i “mbajtur inat” për mos-ndjekjen nga presidenti i pari, as kryedemokratin Lulzim Basha, apo ndonjë emër tjetër të PD dhe më gjerë.
Ndjekjen në Instagram, familja presidenciale e ka me kursim. Në të njëjtin ritëm me të shoqin, është edhe kryetarja e Lëvizjes Socialiste për Integrim, Monika Kryemadhi, e cila ndjek vetëm 18 llogari, përfshirë edhe të shoqin, Ilir Meta. Kryemadhi duket se e mban në vëzhgim aktivitetin e të shoqit në rrjetet sociale, duke e ndjekur, por edhe duke i ndarë përgjegjësitë. Kështu, nëse presidenti ndjek aktorin e humorit, Bes Kallaku, mik i familjes, Kryemadhi ndjek edhe gjyshen e Besit, personazhin viral të rrjeteve sociale, “Ijen”. Monika gjithashtu ndjek edhe të shoqen e Kallakut, këngëtaren Xhensila Myrtezaj, ish-ministren e Arsimit në Lëvizjen Socialiste për Integrim, Nora Malaj, dhe zyrtarë të tjerë të LSI-së, si Luan Rama, apo Floida Kërpaçi. Kryetarja e LSI-së, ndjek disa gazetarë dhe blogerë të rrjetit, si Fiori Dardha apo Olti Curri. Si media, Kryemadhi ka zgjedhur të ndjekë “hashtagun” Opinion Tv Klan, për të patur në “feed-in” e saj në kohë reale të gjitha zhvillimet e programit televiziv. Ajo nuk ndjek as aleatin e saj, Lulzim Basha, i cili po ashtu nuk e ndjekur duke ruajtur një raport të mirë, por duke mos e bërë as të vështirë një “ndarje” në të ardhmen pas zgjedhjeve të 25 prillit, ku ende nuk është e qartë mënyra sesi dy partitë kryesore të opozitës do të garojnë, bashkë apo veçmas.
Ndërkohë që vëzhgimi ynë në rrjetet sociale vazhdon… Në artikullin e radhës, të tjerë politikanë të njohur do të kalojnë në “skanerin” e Dosja.al për të parë se çfarë ndjekin, kë dhe pse!
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Fifi ka folur aq shumë për personin e saj të zemrës saqë është bërë shkas për hitet dhe baladat e saj të bukura ndër vite, por këtë herë kapet mat ...
TIRANË- Modelja Emina Cunmulaj ka treguar shpesh me anë të postimeve të ndryshme në rrjetet e saj sociale lidhjen e ngushtë që ka patur me nënën e saj, e c...
TIRANË- Marina Vjollca është padyshim një ndër femrat më të bukura të ekranit shqiptar, e cila së fundmi ka tërhequr edhe vëmendjen e artistit me famë botë...
TIRANE– “Edhe një herë, thashethemet e tmerrshme të lajmeve na kujtojnë se një koleksion disqesh nuk ka vetëm vlerë muzikologjike dhe rekreative, por edhe vlerë...
SHBA- Arnold Schwarzenegger i është nënshtruar përsëri një operacioni të ri zemre, i cili këtë gjë e ka bërë edhe para dy vitesh për të zëvendësuar një valvul p...
TIRANË- Këngëtarja Tuna, ka vendosur të shkëputet përkohësisht nga muzika. Burime pranë “Prive” kanë bërë me dije se në muajt në vazhdim nuk do të ketë ndo...
TIRANE- Horoskopi ditor, 24 tetor 2020.DashiMundohuni të jeni të duruar në dashuri, por dijeni që Hëna nuk është në favorin tuaj. Në frontin e punës, mendoni ed...
TIRANE– Sot në emisionin’ Rudina’ ka qenë çifti i njohur i ekranit gazetarja Fabiola Hoxha së bashku me Indrit Hoxha, anëtar i Këshilli...
TIRANE– Për shkak të debatit të ndodhur ditën e djeshme, emisioni ‘Përputhen’ ka vendosur që të përjashtojë nga emisioni konkurenten Shqipe.Kjo pasi ajo bullizo...
TIRANË– Një turist ka dhënë shfaqje përpara qytetarëve të Tiranës ditën e sotme.Në videon e publikuar nga Dosja.al, shihet se si turisti, kërcen në m...