Aktualitet

FOTOT-PIKANTE/ Një kafe tek Meta, protestat në Ballsh, marrëveshja në Shtëpinë e Bardhë e triumfi kuqezi në Minsk… shihni me sy, çfarë ndodhi gjatë javës së parë “post-pushime”

Meta dhe Rama janë kapur në momente pikante gjatë ceremonisë duke pasqyruar dhe tensionin politik mes tyre.

TIRANË – Shtatori nisi me axhendë të ngjeshur nga politika por dhe me protesta nga naftëtarët e Ballshit dhe pakënaqësi nga banorët që janë prekur nga tërmeti i 26 nëntorit.

Numri një i të majtës mblodhi “të besuarit” e tij në Elbasan nga ku dhe ndezi motorët për zgjedhjet e 2021. Rama vendosi të marrë në dorë ‘frenat’ e Durrësit e ndërsa duket se i ka vënë ‘fshesën’ Dakos dhe Ballukut duke mos iu dhënë drejtimin në asnjë qark.

Ceremonia solemne në kuadër të kremtimit të 100-vjetorit të Luftës së Vlorës bëri bashkë presidentin Meta, kryeministrin Rama dhe kryeparlamentarin Ruçi.
Siç duket dhe nga fotot, Meta dhe Rama janë kapur në momente pikante gjatë ceremonisë duke pasqyruar dhe tensionin politik mes tyre.

Duke lënë pas tensionet dhe takimet politike një protestë me përplasje dhe shtyrje u zhvillua në Ballsh përpara Rafinerisë së Naftës nga qindra punëtorë me familjet e tyre pasi kërkojnë rrogat e prapambetura.

Zgjedhjet e 2021 kanë bërë që politika të zhvendoset në presidencë, ku presidenti pati takim me kryetarin e Partisë Drejtësi, Integrim dhe Unitet, Shpëtim Idrizi, më pas përfaqësuesit e PR e PBDNJ, Arjan Madhi e Vangjel Dule.
Me presidentin zhvilloi takim dhe kryeministri Rama, kreu I PD-së Basha, kryetarja e LSI-së Monika Kryemadhi dhe Rudina Hajdari.
Politika është ndarë edhe për caktimin e ditës së zgjedhjeve, opozita kërkon 18 prillin, PS-ja propozon çdo datë veç dy majit, pasi përkon me Pashkët, ndërsa Rudina Hajdari kërkon ekzakt datën 2 maj.

Për më shumë bëhu pjesë e grupit më viral në Facebook, Dosja.al

Pas dy ditësh takime në Shtëpinë e Bardhë, të premtën u arrit marrëveshja historike mes Kosovës dhe Serbisë. Me ndërmjetësimin e Donald Trump, Kosova dhe Serbia, firmosën veç e veç në Shtëpinë e Bardhë për Normalizimin Ekonomik.

Në futboll Shqipëria e nisi mbarë me tre pikë aventurën në Nations League. Djemtë e Edi Rejës zhvilluan një ndeshje shumë të mirë dhe ia dolën të mposhtin 0-2 Bjellorusinë në Minskun e largët.

5 shtatori i 2016-s shënoi në kalendarin Apostol Ditën e Shenjtores shqiptare, Nënë Tereza e Kalkutës.
Nënë Tereza ose Shen Tereza e Kalkutës lindi në Shkup në vitin 26 gusht 1910. Emri i saj i lindjes është Anjezë Gonxhe Bojaxhiu. Ajo vizitoi Shqipërinë për herë të parë në gusht të vitit 1989.

(D.K, F.G/Dosja.al)

Shto Koment