Aktualitet

FOTO NGA SALLA/ Përfundon me sukses operacioni i vajzës nga Lezha, ishte edhe e infektuar me koronavirus

Mësohet se e operuara është 18-vjeçarja, me origjinë nga Lezha, ndërkohë që ministrja e Shëndetësisë, Ogerta Manastirliu ka publikuar foto nga salla e operacionit. 
Featured image of article: FOTO NGA SALLA/ Përfundon me sukses operacioni i vajzës nga Lezha, ishte edhe e infektuar me koronavirus
Përditësuar:
TIRANË– Operacioni i vajzës së infektuar me Covid-19, e cila u paraqit me urgjencë në spitalin “Shefqet Ndroqi”, ka përfunduar me sukses. Mësohet se e operuara është 18-vjeçarja, me origjinë nga Lezha, ndërkohë që ministrja e Shëndetësisë, Ogerta Manastirliu ka publikuar foto nga salla e operacionit.
Ekipet tona mjekësore në lartësinë e detyrës. Realizohet me sukses ndërhyrja kirurgjikale urgjente tek një vajzë e re e konfirmuar me COVID-19, në spitalin universitar “Shefqet Ndroqi”, nga ekipi i kirurgjisë drejtuar nga dr. Ylber Vata, së bashku me dr. Dorian Bozaxhi, dr. Arjan Vyshka, dr. Luna Hasipi, kryeinfermiere Manushaqe Hoxha dhe i”nstrumentare e ndërhyrjes Valbona Bulku. Hapet sot spitali i COVID, spitali “Shefqet Ndroqi” për trajtimin e pacientëve të prekur nga #COVID-19,”– shkruan Manastirliu krahas fotove.
Ndërkohë, në Shqipëri janë 212 persona të infektuar me Covid-19 dhe numri i viktimave ka shkuar në 10. 40 nga të prekurit janë shëruar, por harta e infektimit është zgjeruar. Mirdita i është bashkuar listës së fundmi, me 1 të infektuar, ndërsa epiqendra është në Tiranë me 121 të infektuar. 4 pacientë tek Infektivi ndodhen në intubim. Autoritetet kanë vetëm një thirrje për qytetarët: Qëndroni brenda!
(f.m/dosja.al)

Shto Koment