Aktualitet

FOTO + EMRI/ Zhduket pa gjurmë nënoficeri i Gardës së Republikës, u nis për në punë por nuk mbërriti kurrë, telefonata që bëri një ditë para largimit

a qenë daja e Dergutit ai që ka bërë denoncimin në emisionin "Pa gjurmë", në "Report TV", ku kërkon ndihmë për gjetjen e nipit. Në studio,  Haxhi Vela sqaron se zhdukjen e tij e kanë mësuar dy orë pasi i riu ishte nisur për në punë, por nuk kishte mbërritur atje.
Featured image of article: FOTO + EMRI/ Zhduket pa gjurmë nënoficeri i Gardës së Republikës, u nis për në punë por nuk mbërriti kurrë, telefonata që bëri një ditë para largimit Ervin Derguti

TIRANË– Nënoficeri i Gardës së Republikës, Ervin Derguti rezulton izhukur prej tetë ditësh. Ka qenë daja e Dergutit ai që ka bërë denoncimin në emisionin “Pa gjurmë”, në “Report TV”, ku kërkon ndihmë për gjetjen e nipit. Në studio,  Haxhi Vela sqaron se zhdukjen e tij e kanë mësuar dy orë pasi i riu ishte nisur për në punë, por nuk kishte mbërritur atje.

Ka qenë  komanda e repartit të Gradës që ka telefonuar familjen e Dergutit dhe i ka njoftuar në lidhje me faktin se Ervini nuk ishte paraqitur në punë. Kamerat e sigurisë në rrugicën pranë banesës së tij, tregojnë lëvizjen e fundit të të riut.

Ishte situatë e papritur, dramë për të gjithë familjen. Ai u nis si çdo ditë në punë. Kaloi ora 8:30-9:00 dhe komanda e repartit merr në telefon familjen, pasi Ervini nuk ishte paraqitur në punë. Kjo mjaftoi që të informohemi se Ervini ishte zhdukur. Ai kishte me vete telefonin që rezulton i fikur. Nga ai moment mësuam se diçka mund të ketë ndodhur. E merr në telefon nëna dhe telefoni doli i fikur. Pyesim në çdo vend dhe asnjë gjurmë e tij. Nuk ka qenë problematik si në shoqëri por edhe ne punë. Nuk ka pasur asnjë konflikt apo debat që na jep një sinjal për të kuptuar diçka që nuk shkon me të. Ditën e fundit që është larguar nuk e ka pasur armën me vete,”– rrëfen daja Vela në Report TV.

Nëna e të riut, Gjyle Derguti, në një lidhje nga telefoni kujton minutat e fundit kur i biri doli nga dera e shtëpisë herët në mëngjes.

Djali në 5 e gjysmë të mëngjesit u nis për punë dhe nuk ka vajtur. Atë moment kur ka ikur nuk e kam takuar. 1 ditë me parë ka pasur komunikim me një person që nuk e kuptova për çfarë bëhej fjalë. Pasi e pyeta më tha që bisedova me një shok pune. Djali ka qenë i stresuar nga koha e pandemisë, shfaqej i mërzitur. Më pyeste pse s’po dalim, pse s’po hapen rrugët,”- shprehet e ëma.

Pas denoncimit dhe telefonatave, në studion e “Pa gjurmë”, ka telefonuar një qytetar, i cili është shprehur se e ka parë Dergutin në qytetin e Elbasanit.

Derguti është me origjinë nga qyteti i Burrelit dhe banon në Sauk.

Që nga periudha e izolimit për shkak të situatës nga Covid në vend 27-vjeçari nuk kishte munguar asnjëherë në punë ndërsa kishte vijuar normalisht. Edhe të hënën e datës  27 prill, ai doli herët në mëngjes  për të marrë turnin, ndërsa në orën 6 mëngjesit telefoni i tij doli i fikur.

Për më shumë bëhu pjesë e grupit më viral në Facebook, Dosja.al

Pavarësisht denoncimeve të bëra, ende nuk ka asnjë gjurmë nga 27-vjeçari.

 Në dijeninë e familjes nuk kishte pasur konflikte me askënd, përveç një telefonate që bëri një ditë para se të zhdukej, të cilët tregojnë se e kishte marrë një shok në telefon.

Ditën që doli nga shtëpia ka qenë civil dhe nuk e ka pasur me vete armën e shërbimit. Ai është larguar nga banesa i veshur me një xhup ngjyrë gri e hapur, pantallona blu, atlete të zeza, poshtë xhupit një këmishë me vija.

Këto janë 2 numrat tanë të kontaktit, për çdo person që ka dijeni:

Në cel: 069 99 55 698 si dhe në aplikacionet: Whatsapp dhe Viber

Në tel: 0444 17 778

Në adresën në facebook: Pa Gjyrmë Report Tv

Në kanalin në Youtube: Pa gjurmë Channel

(f.m/dosja.al)

Shto Koment