Aktualitet

FOTO/ Çfarë s’u pa në protestën e opozitës, policia shpërndan në turmë një ‘duzinë’ civilësh

Pas dyshimeve se protesta e 8 qershorit mund të ishte e dhunshme, policia kishte marrë një sërë masash. Në turmë përfshiu dhjetëra policë civilë. Opozita ka akuzuar policinë, se me anë të policëve apo të infiltruarve ka provokuar protestuesit.
Featured image of article: FOTO/ Çfarë s’u pa në protestën e opozitës, policia shpërndan në turmë një ‘duzinë’ civilësh Policët civilë në protestën e opozitës

TIRANË- Opozita zhvilloi ditën e djeshme protestën e 8-të kombëtare, gjatë së cilës nuk munguan edhe incidentet e lokalizuara, ku protestues me fytyrë rë mbuluar qëlluan me kapsollë, shashka e tymuese drejt Kryeministrisë dhe Kuvendit të Shqipërisë.

Pas rreth 3 orësh protestë, opozita tërhoqi protestuesit drejt selisë dhe mbylli demonstratën, ndërsa quajti si fitore të qytetarëve vendimin e Presidentit Ilir Meta për të anuluar zgjedhjet, ndonëse sipas tyre ky është vetëm një hap i vogël drejt largimit të Edi Ramës.

Por, ndërsa policia në një deklaratë para protestës tha se ka informacione shqetësuese se protesta do të ishte e dhunshme, ishin bërë gati edhe një numër i madh policësh civilë të cilët u përfshinë në turmë.

Fotoreporteri i Dosja.al Bekim Bici, arriti të sigurojë disa foto ku shihen policët civilë të rreshtuar krah kolegëve të tjerë me uniformë, dhe që më vonë do të përfshiheshin në turmë.

Opozita shpesh herë ka akuzuar policinë se ka futur persona civilë që kanë provokuar protestuesit, në mënyrë që të ketë përplasje me policinë. 

Më poshtë po sjellim fotot e siguruara nga fotoreporteri i Dosja.al.

 

 

Kujtojmë se dje opozita e bashkuar zhvilloi për rreth tre orë protestën e tetë kombëtare para Kryeministrisë dhe Kuvendit kundër qeverisë Rama. Ditën e djeshme ishte paralajmëruar një protestë e dhunshme, por me një skenar që devijoi pak minuta para nisjes.

Presidenti Ilir Meta, anuloi datën e zgjedhjeve lokale të 30 qershorit, vendim që u përshëndet nga Lulzim Basha. Nga Berati, kryeministri Edi Rama tha se presidenti kishte gabuar dhe se zgjedhjet do të zhvilloheshin më 30 qershor. Ndërkohë lajmi për deklaratën e Metës, është pritur me brohoritje nga kampet opozitare të PD dhe LSI.

Në fjalën e tij në protestë, krye demokrati Lulzim Basha tha se kjo është një fitore e opozitës dhe qëndresës së protestuesve të saj, ndërkohë që bëri me dije se beteja vazhdon.

(B.B/ Dosja.al)

Shto Koment