Aktualitet

FOTO/ Atentat prokurorit Arjan Ndoja dhe 1 mijë akuza të zeza, ky është Redjan Rraja, stomatologu i Krujës që dyshohet se është vrasës me pagesë

Ai u arrestua dy ditë më parë, teksa po tentonte të arratisej nga Shqipëria. Policia e shoqëroi atë fillimisht si të dyshuar, por pas krahasimit të gjurmëve të gishtave që iu morën në polici dhe atyre që u gjetën tek "Benz-i", ai u ndalua zyrtarisht si një nga autorët e atentatit të 1 nëntorit në Shkozet. 
Featured image of article: FOTO/ Atentat prokurorit Arjan Ndoja dhe 1 mijë akuza të zeza, ky është Redjan Rraja, stomatologu i Krujës që dyshohet se është vrasës me pagesë Rrumi, Arjan Ndoja dhe Redjan Rraja

TIRANË- Personi që shihni në këtë foto të publikuar nga Vizion Plus është Redjan Rraja, 34 vjeç, i akuzuar si një nga autorët e atentatit ndaj prokurorit Arjan Ndoja.

 

Redjan Rraja

 

34-vjeçari Rraja, me profesion stomatolog u ‘gozhdua’ nga gjurmët e gishtave dhe pështyma në maskën që u gjetën në makinën tip “Benz” gri, që autorët e atentatit ndaj prokurorit lanë të padjegur në Ishëm.

Ai u arrestua dy ditë më parë, teksa po tentonte të arratisej nga Shqipëria. Policia e shoqëroi atë fillimisht si të dyshuar, por pas krahasimit të gjurmëve të gishtave që iu morën në polici dhe atyre që u gjetën tek “Benz-i”, ai u ndalua zyrtarisht si një nga autorët e atentatit të 1 nëntorit në Shkozet.

Redjan Rraja, është nipi i deputetit të Partisë Socialiste, Rrahman Rraja, dhe ka patur edhe më herët probleme me drejtësinë. Në vitin 2016, ai u dënua me 8 muaj burg për prishje të provave, pasi fshehu celularin dhe armën e Elton Cicos, në vrasjen e 1 majit 2016.  Ndërkohë që sërish u rikthye në media me denoncimin e Emiljano Nuhut në skandalin ‘Xhisiela’.

Për më shumë bëhu pjesë e grupit më viral në Facebook, Dosja.al

Atentati i 1 nëntorit, plagosja e prokurorit Arjan Ndoja, Rrumit të Shijakut dhe Andi Malokut

Një skenë hollivudi e krimit shqiptar u përsërit të shtunën në vendin e njohur si Mbikalimi i Shkozetit në Durrës. Makina tip “Benz”, ku po udhëtonte prokurori Arjan Ndoja, ra pre e një atentati, pasi një makinë tjetër “Benz”, ngjyrë gri, nisi të qëllonte me breshëri, duke lënë të plagosur të tri personat që po udhëtonin në këtë makinë.

Prokurori Arjan Ndoja, shoferi i tij, ish-polici i Krujës Andi Maloku dhe një person i akuzuar për një sërë ngjarjesh kriminale, Landi Muharremi (Aleksandër Laho), ngelën të plagosur pasi ndaj tyre u qëlluan mbi 20 plumba.

Atentatorët dyshohet se janë një skuadër vrasësish me pagesë, ndërsa pak orë pas ngjarjes në Ishëm, u gjet makina e tyre e padjegur, dhe brenda ndodheshin dy armët e përdorura në këtë atentat, përkatësisht dy kallashnikovë AK-47. Dosja i ka kaluar prokurorit Anton Martini, ndërsa Ndoja ka thënë se nuk i njeh autorët e atentatit. Për këtë ngjarje janë shoqëruar në Polici edhe të afërmit e Lul Berishës, Plaurent Dervishaj dhe Julian Meçe, të cilët pas dëshmisë janë lënë të lirë.

(F.g/dosja.al)

Shto Koment