Politike

Fondi prej 15 mln$ nga Banka Botërore, Tritan Shehu jep sugjerimin: Do ndahet në “1000 copa”, do humbasi efikasitetin

Sipas Shehut, një fond i tillë është minimal dhe nuk bën ndryshim në shifrën që duhet në të vërtetë në buxhet, duke sugjeruar që e gjithë vlera të përdoret vetëm për një shërbim.
Featured image of article: Fondi prej 15 mln$ nga Banka Botërore, Tritan Shehu jep sugjerimin: Do ndahet në “1000 copa”, do humbasi efikasitetin Tritan Shehu

TIRANË– Ish-ministri i Shëndetësisë, Tritan Shehu ka shprehur shqetësimin e tij lidhur me gjendjen e shëndetësisë së vendit për të përballuar pandeminë e koronavirusit. Me anë të një statusi në Facebook, Shehu risjell fondin prej 15 milionë eurosh që Banka Botërore i ka akorduar vendit tonë për të përballuar pandeminë.

Sipas Shehut, një fond i tillë është minimal dhe nuk bën ndryshim në shifrën që duhet në të vërtetë në buxhet, duke sugjeruar që e gjithë vlera të përdoret vetëm për një shërbim. Më tej ish-ministri democrat ngre edhe një pyetje në lidhje me laboratorët, që sipas tij një pjesë janë përdorur për “check-up” dhe pjesa tjetër është dhënë me PPP.

“Fatkeqesisht edhe ky fond minimal po keqpërdoret për arsye “propagandistike” duke e ndarë në “1000 copa” e humbur kështu efikasitetin e tij. Qesharake kjo, thjesht për “makiazh” të një gjendje tragjike të sistemit tonë shëndetësor, kur mungon pothuajse gjithçka nga mbrojtja e personelit tek kondicionimi i spitaleve Covid në këto ditë të nxehta, nga testimet e deri te pajisjet e domosdoshme. Në fund diçka: kishin shkruar edhe laboratorët, për cilët e kanë fjalën? Sepse ato të Kujdesit Parësor u sakrifikuan për atë check-up që nuk e di nqs vazhdon të paguhet akoma, ndërsa ato spitalore janë dhënë me PPP!,”-shkruan Shehu.

Për më shumë bëhu pjesë e grupit më viral në Facebook, Dosja.al

POSTIMI I PLOTË:

Qeveria spekullon me nje financim te Bankes Boterore dhe e shperdoron! Ndersa Shqiperia eshte nder te paktat vende ne Bote pa nje financim te destinuar, transparent per sistemin shendetesor ne perballje me Covid, Qeveria kerkon te perdori si “makiazh” edhe ate fond minimal te Bankes Boterore duke e thermuar ate. Banka Boterore i ka akorduar shendetesise sone 15 M $ per kete qellim, shifer kjo se paku 10 here nen nevojen emergjente te sistemit, qe duhet te garantohet nga Shteti. Fatkeqesisht edhe ky fond minimal po keqperdoret per aresye “propagandistike” duke e ndare ate ne “1000 copa” e humbur keshtu efikasitetin e tij. Degjova komunikimin per perdorimin e kesaj shume: qe nga testimi i popullesise e sigurimi i maskave per ate, tek mjetet mbrojtese te sistemit shendetsor, forcimi i strukturave shendetesore perfshi e reanimacionet, aparaturat e avancuara, etj etj, te laboratoret….! Sikur ky financim te ishte se paku 200 M $. Qesharake kjo, thjesht per “makiazh” te nje gjendje tragjike te sistemit tone shendetesor, kur mungon pothuajse gjithecka nga mbrojtja e personelit tek kondicionimi i Spitaleve Covid ne keto dite te nxehta, nga testimet e deri te pajisjet e domosdoshme. Ne fund dicka: kishin shkruar edhe laboratoret, per cilet e kane fjalen? Sepse ato te Kujdesit Paresor u sakrifikuan per ate Check ap qe nuk e di nqs vazhdon te paguhet akoma, ndersa ato spitalore jane dhene me PPP!

(k.m/dosja.al)

Shto Koment