Bota

“Fondi i rimëkëmbjes”/ Pas tre ditësh diskutime, BE ende pa marrëveshje, samiti vazhdon

Samiti, i cili ka filluar që më 17 korrik, ishte planifikuar që të zgjaste dy ditë, por në mungesë të një marrëveshjeje, liderët e BE-së janë “detyruar” që t’i zgjasin bisedimet.
Featured image of article: “Fondi i rimëkëmbjes”/ Pas tre ditësh diskutime, BE ende pa marrëveshje, samiti vazhdon Foto ilustruese

BRUKSEL– Drejtuesit e Bashkimit Europian dështuan edhe të dielën të arrijnë një marrëveshje mbi një paketë të rimëkëmbjes ekonomike, ndërkohë që negociatat pritet që të vijojnë dhe sot.

Samiti, i cili ka filluar që më 17 korrik, ishte planifikuar që të zgjaste dy ditë, por në mungesë të një marrëveshjeje, liderët e BE-së janë “detyruar” që t’i zgjasin bisedimet.

Kryesuesi i samitit, Charles Michel, u tha 27 udhëheqësve të BE-së se më shumë se 600,000 njerëz kanë vdekur si rezultat i koronavirusit në të gjithë botën, dhe se ishte përgjegjësia e tyre të qëndrojnë së bashku në këtë kohë të krizës.

Për më shumë bëhu pjesë e grupit më viral në Facebook, Dosja.al

Në takimin e 18 korrikut, tensionet u rritën kur kancelarja gjermane, Angela Merkel dhe presidenti francez, Emmanuel Macron u larguan nga mbledhja, së bashku me katër shtete të tjera.

Plani i rimëkëmbjes, i cili mbështetet nga Franca dhe Gjermania, aktualisht parasheh 500 miliardë euro grante dhe subvencione dhe 250 miliardë euro kredi. Shtetet me më shumë kursime, si Austria, Suedia, Danimarka dhe Finlanda, duan kontroll mbi mënyrën e shpërndarjes së parave, ndërsa Italia dhe Spanja janë kundër.

(k.m/dosja.al)

Shto Koment