Aktualitet

Fluksi i turistëve nga Kosova, Pipero i prerë: Ata që kanë shenja të mos nisen drejt Shqipërisë, të tjerët të përfitojnë nga deti dhe dielli

Pipero theksoi se ata që kanë shenja të mos nisen drejt Shqipërisë. Ndërsa, personat e tjerë që gëzojnë shëndet të plotë duhet të përfitojnë nga deti dhe dielli.
Featured image of article: Fluksi i turistëve nga Kosova, Pipero i prerë: Ata që kanë shenja të mos nisen drejt Shqipërisë, të tjerët të përfitojnë nga deti dhe dielli Pëllumb Pipero, mjek

TIRANË- Mjeku i njohur Pëllumb Pipero ka deklaruar se duhet të kufizohen edhe lëvizjet e personave që vijnë nga Kosova për të kaluar disa ditë pushimi në bregdetin shqiptar.

Për mjekun Pipero, kufizimet nuk janë të nevojshme për sa kohë që njerëzit ndërgjegjësohen dhe zbatojnë rregullat e thjeshta të vendosjes së maskës, distancimit dhe higjienës. Ai ka theksuar se ata që kanë shenjat të virusit nuk duhet të nisen drejt Shqipërisë.

“E gjithë bota është në një varkë të madhe. Të gjithë na ka në dorë maska kudo që jemi. Të gjithë kanë të njëjtat rregulla. Nëse i respektojmë këto masa nuk duhet të kemi frikë që bashkëkombasit tanë të vijnë këtu. Por duhet t’i këshillojmë që nëse kanë shenja të mos nisen. Të tjerët mos i kufizojmë pasi përfitojnë shumë nga deti dhe dielli”, tha Pipero për A2.

Për më shumë bëhu pjesë e grupit më viral në Facebook, Dosja.al

Ndërkohë, COVID-19 vijon të përhapet gjerësisht në Shqipëri. Ministria e Shëndetësisë bëri me dije ditën e djeshme se së fundmi janë konfirmuar  127 persona të infektuar dhe 6 pacientë kanë humbur jetën.

J.V/Dosja.al 

Shto Koment