Aktualitet

Zjarri pushton malin Balgjaj, digjen 15 hektarë pishë/ Flakët vazhdojnë të përhapen, kërkohet ndihmë nga ajri

Deri tani zjarri ne malin e Balgjajt ka shkrumbuar më shumë se 15 Ha dhe ende vazhdon të përhapet.
Featured image of article: Zjarri pushton malin Balgjaj, digjen 15 hektarë pishë/ Flakët vazhdojnë të përhapen, kërkohet ndihmë nga ajri

MAT– Mbrëmjen e djeshme zjarret kanë përfshirë malin e Balgjajt e për shkak të erës së forta flakët po marrin përmasa të frikshme. Deri tani zjarri ka shkrumbuar më shumë se 15 Ha dhe ende vazhdon të përhapet.

Në ndihmë të zjarrfikësve të Drejtorisë së Shërbimit Pyjor të Bashkisë Klos kanë shkuar edhe zjarrfikësit e Bashkisë Mat. I vetmi mjet zjarrfikës në vendngjarje është i Bashkisë së Matit,  pasi ai i Klosit sipas drejtuesve të Bashkisë e ka të pamundur të ngjitet atje si pasojë e problemeve teknike që ka.

Zjarrfikësit e Bashkisë së Matit kanë ndërhyrë në anën veriore të Malit të Balgjajt ku dhe ndodhet masivi më i madh me pishë të zezë.

Për më shumë bëhu pjesë e grupit më viral në Facebook, Dosja.al

Neutralizimi i flakëve duket i pamundur në rrugë tokësore për shkak të terrenit të thyer malor. Specialistët zjarrfikës po përballen me vështirësi jo vetëm nga terreni por edhe nga trungjet e thata me flakë që shkëputen nga vatra e zjarrit.

Autoritetet lokale bëjnë apel për ndihmë nga ajri pasi flakët do të djegin një ndër kurorat më të bukura të Matit.

(A.B)/Dosja.al

Shto Koment