Bota

“Fjalime urryese si të Hitlerit”, Papa Françesku i shqetësuar kritikon ashpër Salvinin

Papa Françesku në një intervistë për La Stampa, ka kritikuar ashpër fjalimet e Salvinit duke i cilësuar ato si fjalime naziste, si të Hitlerit.
Featured image of article: “Fjalime urryese si të Hitlerit”, Papa Françesku i shqetësuar kritikon ashpër Salvinin Papa Françesku dhe Mateo Salvini

 ITALI- Papa Françesku në një fjalim të fundit të tij para publikut ka kritikuar ashpër Ministrin e Brendshëm të Italisë, Mateo Salvini.

Papa gjatë fjalimit të tij bëri edhe thirje për një Evropë të bashkuar.

Ai ka dhënë një intervistë për “La Stampa”, ku fjalimet politike që përdoren në Itali i krahasoi me strategjinë që përdorte para shumë vitesh, Gjermania gjatë regjimit nazist.

“Jam i shqetësuar sepse jemi duke dëgjuar fjalime urryese, të cilat janë të njëjta me ato të Hitlerit në 1934. ‘Ne të parët. Ne … Ne…’. Këto janë mendime të frikshme.”– është shprehur Papa.

Ndërkohë reagimi kritikues i Papa Françeskut vjen pak ditë pas deklaratës së Salvinit, i cili kërkoi shpërndarjen e Parlamentit dhe që vendi të shkojë në zgjedhje të parakohshme.

Papa nuk ka kritikuar për herë të parë politikën në Itali, por mesa duket nuk merrren parasysh kritikat e tij. Ai gjithmonë ka kërkuar për emigrantët, integrimin e tyre në shoqëri dhe të kenë të drejta të barabarta si qytetarët vendas.

Burimi: Thehill

A.C/Dosja.al

Shto Koment