Rajoni

Fitorja e LVV-së në Podujevë, Albin Kurti: Nuk po e marrim Komunën, po jua kthejmë qytetarëve

Albin Kurti, ka folur para mediave pas fitores së kandidatit të partisë së tij për kryetar të Podujevës. Ai ka shtuar se sot në Podujevë nuk është bërë zgjedhje por referendum. Pasi i uroi qytetarët e Podujevës, Kurti ka kërkuar që të shpërndahen të qetë.
Featured image of article: Fitorja e LVV-së në Podujevë, Albin Kurti: Nuk po e marrim Komunën, po jua kthejmë qytetarëve Albin Kurti

KOSOVË-Kryetari i Lëvizjes Vetëvendosje dhe ish-kryeministri, Albin Kurti, ka folur para mediave pas fitores së kandidatit të partisë së tij për kryetar të Podujevës. Ai ka shtuar se sot në Podujevë nuk është bërë zgjedhje por referendum. Pasi i uroi qytetarët e Podujevës, Kurti ka kërkuar që të shpërndahen të qetë.

“Ka fituar qytetari i Podujevës që vendosi për VV dhe Shpejtim Bullqinin për kryetar. Kjo nuk është zgjedhje, kjo është referendum. Jo vetëm sonte por edhe në të ardhmen në Kosovë do të ketë referendume sepse populli është përcaktuar për Vetëvendosjen.Nuk ka fituar thjeshtë as Shpejtimi as Lëvizja por keni fituar ju. Ne nuk po e marrim komunën ne po ua kthjemë juve komunën. Me siguri që të gjithë jeni gëzuar shumë, me siguri që festa nuk do të përfundoj sonte. Unë ju lus që të shpërndaheni në mënyrë të qetë,”– ka thënë Kurti.

Për më shumë bëhu pjesë e grupit më viral në Facebook, Dosja.al

Në Komunën e Podujevës dhe Mitrovicës së Veriut sot në orën 07:00 janë hapur të gjitha qendrat e votimit, për zgjedhjet e jashtëzakonshme të dy kryetarëve të këtyre dy Komunave. Kryetari i Komunës së Podujevës është zgjedhur kandidati nga Lëvizja Vetëvendosja Shpejtim Bulliqi me 51.64% të votave. Ndërsa në Mitrovicë të Veriut ka fituar kandidati i Listës Serbe Milan Radojeviq. Kryetarët e këtyre dy komunave do të kenë një mandat deri në zgjedhjet e ardhshme komunale në vitin 2021.

(k.a/dosja.al)

Shto Koment