Politike

Firmat e maxhorancës për shkarkimin e Metës, Afrim Krasniqi nxjerr parregullsitë dhe i bën thirrje Kuvendit: Nisni shqyrtimin e listës dhe kërkoni ridërgim!

Krasniqi shkruan se edhe pse në media u raportua se numri i deputetëve që kanë firmosur është 50, në dokumentin origjinal të firmave janë 49 deputetë
Featured image of article: Firmat e maxhorancës për shkarkimin e Metës, Afrim Krasniqi nxjerr parregullsitë dhe i bën thirrje Kuvendit: Nisni shqyrtimin e listës dhe kërkoni ridërgim! Alfred Krasniqi

TIRANË– Drejtori i Institutit të Studimeve Politike, Afrim Krasniqi ka evidentuar se lista me firmat e grupit të Partisë Socialiste për shkakrimin e Presidentit Meta, është e parregullt.

Në një postim në rrjetet sociale, teksa ka nxjerrë listën me firmat e maxhorancës, Krasniqi shkruan se edhe pse në media u raportua se numri i deputetëve që kanë firmosur është 50, në dokumentin origjinal të firmave janë 49 deputetë, pavarësisht se lista ka 50 numra.  Po ashtu, ai shprehet se disa emra janë të palexueshëm. Profesori thekson se nga numri rendor 14 kalohet tek numri rendor 16, pra numri 15 mungon. Ai shkruan se akte të tilla të rëndëishme meritojnë seriozitet institucional dhe respekt për procedurat, për formën dhe gjuhën shqipe.

Shkrimi i Alfred Krasniqit:

Për më shumë bëhu pjesë e grupit më viral në Facebook, Dosja.al

Saktësia e numrave dhe etika institucionale kanë kohë që nuk respektohen, por si studiues do të doja që institucioni i Kuvendit të RSH dhe memoria shtetërore të jenë të paktën formalisht korrekte! Në parlament dhe në të gjitha mediat u raportua se 50 deputetë kanë iniciuar shkarkimin e Presidentit. Në fakt, në dokumentin origjinal të firmave janë 49 deputetë, pavarësisht se janë rreshtuar emrat deri tek numri 50. Një lexim i kujdesshëm nxjerr në pah gabimin (me siguri, teknik), ku nga numri rendor 14 kalohet tek numri rendor 16. Thjesht, mungon numri 15! Po ashtu, disa emra deputetësh nuk janë të lexueshëm/të qartë, duke nxitur me të drejtë meme kritike në rrjetet sociale! Mirë deputetët që gabojnë, po Kuvendi dhe media si është e mundur që nuk i kushtojnë vëmendje minimale akteve të tilla, të cilat, duke adresuar shkarkimin e Presidentit janë dokumente me rendësi studimore, historike dhe shtetërore? Akte të tilla, pavarësisht qëllimit dhe ecurisë, meritojnë seriozitet institucional dhe respekt për procedurat, për formën dhe gjuhën shqipe, për institucionin dhe për funksionin që ata përfaqësojnë. Ndaj, para se Kuvendi dhe Komisioni i Ligjeve të nis shqyrtimin procedurial bëjnë mirë të kërkojnë rishkrimin dhe ridërgimin dokumentit duke përfshirë numrin 15 dhe emrat e lexueshëm të deputetëve, pasi kemi të bëjmë me gabime, të cilat edhe në klasën e parë apo të dytë të shkollës fillore vlerësohet me notë negative!

(kle.mu./dosja.al)

2 Komente në “Firmat e maxhorancës për shkarkimin e Metës, Afrim Krasniqi nxjerr parregullsitë dhe i bën thirrje Kuvendit: Nisni shqyrtimin e listës dhe kërkoni ridërgim!

  1. Numri 15 eshte Esi, por ska dashur ti dale emri, se ku i dihet, mund ti duhet Likja neser Rames per ta shpetuar nga burgu.

  2. Numri 15 eshte Edi, por ska dashur ti dale emri, se ku i dihet, mund ti duhet Likja neser Rames per ta shpetuar nga burgu.

Shto Koment