Sociale

Filma dhe seriale pa fund! Shqiptarët folën më pak me celuluar por harxhuan më shumë internet gjatë karantinës

Këtë e tregojnë të dhënat e AKEP (Autoritetit të Komunikimeve Elektronike) të publikuara për tremujorin e dytë të vitit.
Featured image of article: Filma dhe seriale pa fund! Shqiptarët folën më pak me celuluar por harxhuan më shumë internet gjatë karantinës Foto ilustruese

Më pak thirrje, sms dhe më shumë internet. Kjo ka qenë karantina e pranverës për shqiptarët.

Këtë e tregojnë të dhënat e AKEP (Autoritetit të Komunikimeve Elektronike) të publikuara për tremujorin e dytë të vitit.

Pamundësia për të dalë, dyqanet me orar të kufizuar dhe mungesa e turistëve ka sjellë njëkohësisht tkurrjen e këtij tregu.

Statistikat tregojnë njëkohësisht edhe për rënie të numrit të pajtimtarëve të shërbimeve celulare sipas kartave SIM (në fund të T2 2020 ishte rreth 3,163,837) me 2.9% në krahasim me tremujorin e mëparshëm, dhe një rënie me 9.6% në krahasim me T2 2019.

Edhe numri i përdoruesve aktivë të telefonisë celulare gjatë T2 2020 arriti në rreth 2.26 milionë me një rënie me rreth 8.6% me T1 2020 dhe rënie me 7.8% në krahasim me T2 2019.

Numri i përdoruesve aktivë të aksesit broadband në Internet nga rrjetet celulare në T2 2020 ishte rreth 1.5 milionë me rënie me 9.9% me tremujoin e mëparshëm, dhe një rënie me 10.3% në krahasim me Tremujorin dytë 2019.

Totali thirrjeve dalëse t në Shqipëri në T2 2020 ishte rreth 1.26 miliardë minuta, me një rënie prej 0.6% në krahasim me tremujorin paraardhës dhe me një rënie prej 9.2% me T2 2019.

Sasia e thirrjeve drejt rrjeteve të tjera celulare kombëtare u rrit me 1.5% në krahasim me T1 2020 dhe u ul me 7.1% në krahasim me një vit më parë në T2 2019;

Numri i mesazheve SMS të dërguara nga pajtimtarët e rrjeteve celulare në T2 2020 ishte rreth 138 milion që përbën një rënie me 30.5% krahasuar me T1 2020 dhe një rënie me 43.1% me T2 2019;

Për më shumë bëhu pjesë e grupit më viral në Facebook, Dosja.al

Sasia e trafikut data (Internet) në rrjetet celuare gjatë T2 2020 ishte rreth 18 Milion GByte. Një përdorues aktiv i aksesit broadband celular ka përdorur 4.01 GB Internet në muaj në T2 2020, që përbën një rritje me 3.5% në krahasim me T1 2020 dhe një rritje me 34% krahasuar me T2 2019.

Konsumi mesatar mujor për përdorues aktiv i shërbimeve celulare gjatë T2 2020 ishte: 186-minuta dalëse, 20 SMS dhe 4.01 GB Internet. Krahasuar me T1 2020, konsumi mesatar i thirrjeve pati një rritje me 8.7%, konsumi mesatar i SMS-ve pati një rënie me 24% dhe konsumi mesatar i internetit u rrit me me 3.5%.

AKEP sqaron se në përgjithësi të tre operatorët shpjegojnë si arsye kryesore efektet e pandimisë së shkaktuar nga Covid -19, që kanë sjellë: Reduktim të konsumit të njësive të paketave gjatë mbylljes (locdown) nga data 1 Mars 2020 deri në fillim të muajit Qershor; Reduktim të numrit/pagesave të paketave standarde të riaktivizuara; Uljen e numrit të turistëve dhe emigrantëve për shkak të vështirësive të transportit ndërkombëtar; Rritje të përdorimit të broadband fiks (WIFI) duke zëvendësuar në këtë mënyrë përdorimin e internetit nga shërbimet celulare.

Në rënie edhe numri i pajtimatarëve të telefonisë fikse

Të dhënat nga AKEP tregojnë se edhe numri i pajtimtarëve në telefoninë fikse ka rënë si krahasuar me tremujorin e parë 2020, ashtu edhe me një vit më parë. Në fund të tremujorit të dytë 2020 ishin rreth 236 mijë klientë, duke patur një rënie me 0.94% në krahasim me T1 2020 dhe një rënie me 5.1% në krahasim me T2 2019.

Numri i pajtimtarëve të rrjeteve fikse që përdorin njëkohësisht (Telefoni/Internet/TV) në fund të 3 mujorit të dytë 2020 u rrit me 5% në krahasim me T1 2020 dhe me 19.1% krahasuar me T2 2020.

Pjesa e klientëve që përdorin (Telefoni, Internet dhe TV) përbën 38.8% të totalit të tyre ndërsa 32.6% janë me paketa “Internet dhe Telefoni” dhe 28.5% me paketa “Internet dhe TV”.

Marrë nga Gazeta “Si”

Shto Koment