Aktualitet

FOTOT/ Skandali, në Fier u mboll kanabis në pronën e Bordit të Kullimit…justifikimi skandaloz: S’kemi lekë për roje (Ndaj ua lenë trafikantëve?!)

Tani trafikantët e drogës nuk duan më toka private, kërkojnë me "lupë" ato shtetërore. Skandali i Fierit, si u mboll kanabis dhe justifikimi që dhaën institucionet shtetërore.
Featured image of article: FOTOT/ Skandali, në Fier u mboll kanabis në pronën e Bordit të Kullimit…justifikimi skandaloz: S’kemi lekë për roje (Ndaj ua lenë trafikantëve?!) Pamje nga vendi ku ishin mbjellë bimët e kanabisit

FIER– Kultivimi i kanabisit tashmë nuk ka limit! “Punëtorët” kanë vendosur që të ndryshojnë taktikë në mbjelljen e tyre duke zëvëndësuar mbjelljen e fidanëve nga tokat private në ato shtetërore. Rasti më i fundit është zbuluar në Fier, ku ditën e djeshme Policia e zonës gjeti dhe sekuestroi rreth 420 rrënjë kanabisi. Të gjitha rrënjët ishin mbjellë në pronën e administruar nga Bordi i Kullimit.

Pamje nga vendi ku ishin mbjellë bimët e kanabisit

E gjithë zona në pyllin e Semanit, pranë kanalit të ‘Ngjalës’, ishte mbjellë nga një 35-vjeçar me iniciale J.G., banues në Dërmënas. Përveç tij, “blutë” e qytetit dërguan për ndjekje penale në gjendje të lirë inxhinierin e Drejtorisë së Ujitjes dhe Kullimit, 37-vjeçari me iniciale E.K., banues në Fier. Përveç tij u procedua penalisht për moskallëzim krimi edhe kryeplaku i fshati Grykë. Tonin Çala.

Pamje nga vendi ku ishin mbjellë bimët e kanabisit

Inxhinieri akuzohet për shpërdorim detyre për faktin se toka në të cilën ishte mbjellë ishte shtetërore. Menjëherë ka ardhur dhe një reagim nga “Bordi i Kullimit”, të cilët për të mbrojtur punonjësin e tyre kanë pretenduar se toka nuk ruhej pasi kishin bërë shkurtime sepse prej vitesh kishin pasur mungesë fondesh.

Pamje nga vendi ku ishin mbjellë bimët e kanabisit

Më tej ata janë shprehur se me punonjës më pak, e kanë pasur të pamundur që të mbajnë nën kontroll territorin, duke e lënë atë në “duart” e trafikantëve të drogës. Ata dinë për çfarë ta përdorin…

NJOFTIMI I PLOTË:

Për më shumë bëhu pjesë e grupit më viral në Facebook, Dosja.al

Policia e Fierit ka zbuluar se në tokën e Drejtorisë së Ujitjes dhe Kullimit, u gjetën dhe u sekuestruan fidanë kanabis sativa. Në pranga u vu një 35-vjeçar me iniciale J.G banues në Dërmënas si autorë i dyshuar i mbjelljes së fidanëve.

Gjithashtu u procedua penalisht për moskallëzim krimi, kryeplaku i fshati Grykë, shtetasi T. Ç., 58 vjeç, si edhe u procedua për shpërdorim detyre  inxhinieri i Drejtorisë së Ujitjes dhe Kullimit Fier, shtetasi E. K., 37 vjeç, banues në Fier.

Materialet i kaluan Prokurorisë pranë Gjykatës së Shkallës së Parë Fier, për veprat penale “Kultivimi i bimëve narkotike”,  “Moskallëzim krimi” dhe “Shpërdorim detyre”.

(k.m.f.g./dosja.al)

Shto Koment