Aktualitet

Telefonata që e shpëtoi/ Tentoi të vriste me armë zjarri bashkëfshatarin, arrestohet tre persona, Policia i merr pistoletën me mulli dhe 80 fishekë

Policia ka shkuar në vendngjarje dhe ka arrestuar autorin, E. M., 35 vjeç, banues në Kreshpan, i cili ishte larguar nga vendngjarja pasi tentoi që të vriste një person.
Featured image of article: Telefonata që e shpëtoi/ Tentoi të vriste me armë zjarri bashkëfshatarin, arrestohet tre persona, Policia i merr pistoletën me mulli dhe 80 fishekë Foto ilustruese

FIER– Policia e Fierit ka arrestuar tre persona duke parandaluar një vrasje. Ishte një telefonatë në sallën e Policisë nga një person me iniciale A. Y., i cili denoncoi  se në fshatin Kreshpan një person kishte tentuar ta vriste.

Policia ka shkuar në vendngjarje dhe ka arrestuar autorin, E. M., 35 vjeç, banues në Kreshpan, i cili ishte larguar nga vendngjarja. Bashkë me të janë arrestuar dy të afërm të tjerë, të cilët e kishin ndihmuar autorin duke i fshehur armën me të cilën ai kishte tentuar të vriste për motive të dobëta 32-vjeçarin.

Për moskallëzim krimi janë arrestuar: F. M., 69 vjeç dhe Z. M., 47 vjeç, banues në Kreshpan. Ndërkohë që efektivët sekuestruan edhe një pistoletë me mulli dhe 80 fishekë.

NJOFTIMI I PLOTË:

Fier

Tentoi të vriste me armë zjarri një shtetas, Policia zbardhi ngjarjen në kohë rekord dhe arrestoi në flagrancë autorin dhe 2 shtetas të tjerë.

Në sallën operative të DVP Fier ka ardhur një telefonatë nga shtetasi A. Y., se në fshatin Kreshpan një person kishte tentuar ta vriste. Policia ka vlerësuar menjëherë situatën duke organizuar punën për zbardhjen e ngjarjes, identifikimin dhe arrestimin e autorit.

Për më shumë bëhu pjesë e grupit më viral në Facebook, Dosja.al

Falë veprimeve të shpejta operacionale dhe hetimore u bë e mundur zbardhja në kohë rekord e ngjarjes, identifikimi, lokalizmi dhe kapja në flagrancë e autorit, shtetasit E. M., 35 vjeç, banues në Kreshpan, i cili ishte larguar nga vendngjarja.

Në vijim të veprimeve hetimore, Policia ka arrestuar në flagrancë edhe 2 shtetas të tjerë (të afërm të shtetasit E. M.), të cilët e kishin ndihmuar autorin duke i fshehur armën me të cilën ai kishte tentuar të vriste për motive të dobëta shtetasin A. Y., 32 vjeç, banues në Kreshpan.

Specialistët për Hetimin e Krimeve në Komisariatin e Policisë Fier arrestuan në flagrancë, për moskallëzim krimi, shtetasit F. M., 69 vjeç dhe Z. M., 47 vjeç, banues në Kreshpan.

Në cilësinë e provës materiale u sekuestruan arma e krimit (pistoletë me mulli) dhe 80 fishekë.

Materialet i kaluan Prokurorisë pranë Gjykatës së Shkallës së Parë Fier, për veprat penale “Vrasja e mbetur në tentativë”, “Mbajtja pa leje e armëve dhe municionit luftarak” dhe “Moskallëzim krimi, i kryer në bashkëpunim”.

(k.m/dosja.al)

Shto Koment