Politike

Fevziu nxjerr të dhënat nga terreni: Njerëzit kërkojnë lekë në këmbim të votës, ma kanë thënë vetë deputetët…nuk ka mjerim më të madh!

Gazetari shtoi më tej se nuk ka mjerim më të madh të dëgjosh e të shohësh njerëz që ende duan të shesin votën e tyre, ndërkohë që jemi vetëm 11 ditë parg zgjedhjeve të 25 prillit.
Featured image of article: Fevziu nxjerr të dhënat nga terreni: Njerëzit kërkojnë lekë në këmbim të votës, ma kanë thënë vetë deputetët…nuk ka mjerim më të madh! Blendi Fevziu
Përditësuar:

TIRANË– Gazetari Blendi Fevziu u ka bërë thirrje qytetarëve që të mos i vënë një çmim votës së tyre. Një natë më parë, teksa moderonte emisionin e tij “Opinion”, tha se nga të dhënat që ka marrë nga deputetë të rinj që janë futur në fushatë për herë të parë, është se janë vetë qytetarët ata që kërkojnë para apo favore në këmbim të votës që japin.

Gazetari shtoi më tej se nuk ka mjerim më të madh të dëgjosh e të shohësh njerëz që ende duan të shesin votën e tyre, ndërkohë që jemi vetëm 11 ditë parg zgjedhjeve të 25 prillit.

Pjesa më e madhe e informacioneve që po marrim nga deputetë që nuk janë të niveleve më të larta, por që po tentojnë të bëjnë fushatë për herë të parë, tregojnë që ka një ngërç shumë të madh. Një pjesë e qytetarëve që ata kontaktojnë kërkojnë të marrin një vlerë për votën që ata japin. Do doja ta bëja sot thirrje, do ta bëj dhe ditët në vijim.

Për më shumë bëhu pjesë e grupit më viral në Facebook, Dosja.al

Mos kërkoni të shisni votën tuaj se nuk ka mjerim më të madh. Në qoftë se doni të përcaktoni të ardhmen tuaj, në qoftë se doni të zgjidhni të ardhmen tuaj, në qoftë se doni t’i jepni një të ardhme fëmijëve tuaj mos e shisni votën, por përdoreni atë sipas bindjeve që keni për të mirën tuaj, për të mirën personale, për të mirën e familjes tuaj, për të mirën e qytetarëve të Shqipërisë.

Do ta bëj këtë apel deri ditën e fundit. Duket që është një fenomen shumë negativ sidomos nga forca pak më të vogla që vijnë vërdallë dhe që shohin mundësinë e financimit si zgjidhjen e vetme për të ecur përpara,”- tha Fevziu ndër të tjera.

(f.m/Dosja.al)

Shto Koment