Aktualitet

Festa e ‘Zojës së Shkodrës’/ Frendo: Shoqëria po bëhet anonime. Imzot Massafra apel pushtetarëve (VD)

Festa e Zojës së Shkodrës kremtohet që prej kohëve të lashta dhe nderohet me përkushtim të veçantë të Zojës

SHKODËR– Kisha katolike ka kremtuar sot festës e Zojës së Shkodrës.  I pranishëm në meshën e qytetit ka qënë edhe arqipeshkvi i Tiranës dhe Durrësit, Imzot George Frendo.

Frendo përveç urimit për festën e Zojës së Shkodrës, u ndal për të dhënë edhe një mesazh të drejtpërdrejtë ndaj të gjithë shoqërisë. 

“Të mos jemi indeferent ndaj vuajtjeve të të varfërve. Një shoqëri që po bëhet gjithnjë e më shumë anonime. Rreziku i globalizimit të indifierencës, dhe siç thotë Maria, ne nuk duhet kurrë të biem pre e indiferencës para vuajtjeve të shoqërisë.”

Nga ana tjetër Arqipeshkvi i Shkodrës Imzot Angelo Massafra ka dërguar një apel për të gjithë drejtuesit e qytetit.  Ai tha se ata kanë përgjegjësi drejtuese dhe qeverisëse për të gjithë qytetarët. 

“Të kesh përgjegjësi nuk është krenari por të jep një pozicion të veçantë pasi të jep përgjegjësi për t’u përkujdesur për të gjithë të mirën e përbashkët dhe me të gjitha vështirësitë që rrjedhin nga një gjë e tillë. Ftoj që të favorizohet më shumë bashkëpërgjegjësia e qytetarëve në mbarështrimin e gjërave publike duke shmangur kështu rrezikun e interesave private që nuk ndihmojnë në zhvillimin e vërtetë të një shoqërie,”-u shpreh Massafra. 

Festa e Zojës së Shkodrës kremtohet që prej kohëve të lashta dhe nderohet me përkushtim të veçantë të Zojës. Është ajo figure që sot ndodhet në Gjenacan të Italisë.

(k.m/dosja.al)

Shto Koment