KultureKurioziteteSociale

Festa e Shëngjergjit! Këngë, valle dhe degë shelgu, TRADITAT dhe ritet e ‘ardhjes’ së Verës

  • I shtrirë në mes të lëndinës, Namik Dokle kthehet pas në kohë: Sot festohet Shëngjergji!
  • Dita e 6 majit simbolizon pritshmëritë për begati dhe mirëqenie me ringjalljen e natyrës pas stinës së dimrit dhe kjo ditë quhet ‘Hidrelez’ pasi besohet se kjo është dita kur profetët Hidir dhe Iliaz takohen mbi tokë.
    Featured image of article: Festa e Shëngjergjit! Këngë, valle dhe degë shelgu, TRADITAT dhe ritet e ‘ardhjes’ së Verës Foto ilustruese

    SHQIPËRI– Festa e Shëngjergjit simbolizon ardhjen e Verës! Kjo festë njihet ndryshe edhe si festa e luleve dhe festohet sipas kalendarit gregorian më 6 maj, ditë kur edhe shënohet ardhja e pranverës.

    Dita e 6 majit simbolizon pritshmëritë për begati dhe mirëqenie me ringjalljen e natyrës pas stinës së dimrit dhe kjo ditë quhet ‘Hidrelez’ pasi besohet se kjo është dita kur profetët Hidir dhe Iliaz takohen mbi tokë. Para kësaj feste është traditë që të pastrohen shtëpitë, të gatuhen gjellë të ndryshme. Detaje lidhur me festën ka dhënë edhe ish-deputeti Namik Dokle, i cili kujtoi se gjatë fëmijërisë mblidhej me shokët për të mbledhur lulet e para.

    Bashkë me fëmijët, nuset dhe gratë mbledhin barishtet, ndërsa djemtë presin degë shelgu dhe që herët në mëngjes zbukurojnë dyert e të dashurave. Ndërsa vajzat dalin te portat e shtëpive dhe pastaj shëtisin në livadhe e këndojnë. Në mbrëmje në një copë letër shkruhen dëshirat dhe pasi paloset letra vendoset në fund të pemës së trëndafilit dhe merret në mëngjes para lindjes së diellit. Nganjëherë dëshirat e shkruara hidhen në ujë të rrjedhshëm apo në det.

    Për më shumë bëhu pjesë e grupit më viral në Facebook, Dosja.al

    Bazuar në kalendarët kanonike ortodokse, dita e Shën Gjergjit është 23 prilli. Meqë ka lindur brenda kësaj periudhe kjo është arsyeja pse heroi ynë kombëtar mori emrin Gjergj sepse lindi më 6 maj 1405. 

    Në vitin 2016 Turqia dhe Maqedonia aplikuan pranë UNESCO-s me dosjen që kishin përgatitur bashkë me titull “Kremtimet e pranverës: Hidrelezi”. Pas vlerësimit të bërë nga UNESCO-ja Festivali i Pranverës (Shëngjergj-Hidrelez) në vitin 2017 u përfshi në Listën e Trashëgimisë Kulturore Jomateriale.

    (k.m/dosja.al)

    Shto Koment