EkonomiPolitike

Fermerët ‘dëgjojnë’ këshillën e Ramës, ulet prodhimi i patates: Ndërroni lojë, mbillni mollë (VD)

Ish-sekretari i Përgjithshëm i Ministrisë së Bujqësisë, Vojo Bregu, shkruan në rrjetet sociale se subvencionet gjatë vitit 2018 janë përgjysmuar, pasi fermerëve iu kërkua që të aplikonin online si edhe të ishin pajisur fermerët me certifikatat ISO, duke pamundësuar marrjen e subvencioneve për shkak të burokracive.
Featured image of article: Fermerët ‘dëgjojnë’ këshillën e Ramës, ulet prodhimi i patates: Ndërroni lojë, mbillni mollë (VD) Edi Rama, kryeministër

TIRANË- Kryeministri Edi Rama i këshilloi fermerët një vit më parë që të mos mbillnin më patate, pasi siç tha Rama me fermerët e Korçës, ‘fermerët duhet të ndërrojnë lojë’.

Sot, një vit më vonë, të dhënat e publikuara nga revista Monitor, bëjnë me dije se prodhimi i patateve është ulur për këtë vit.

Ish-sekretari i Përgjithshëm i Ministrisë së Bujqësisë, Vojo Bregu, shkruan në rrjetet sociale se subvencionet gjatë vitit 2018 janë përgjysmuar, pasi fermerëve iu kërkua që të aplikonin online si edhe të ishin pajisur fermerët me certifikatat ISO, duke pamundësuar marrjen e subvencioneve për shkak të burokracive.

Postimi i plotë i Bregut:
Arsyen përse është ulur prodhimi i patateve këtë vit, e gjejmë tek këshillat e KM para një viti.
Subvencionet për vitin 2018 pësuan një ulje drastike me rreth gjysmën e shumës së alokuar pas shpikjeve alla rilindase, për aplikime fermerësh online, për nevojën e pajisjes së fermerëve shqiptarë me çertifikata ISO dhe lloj lloj idiotësirash të tjera.
Mjafton që media të kërkojë sa janë alokuar nga buxheti i shtetit në fillim të vitit 2018, dhe sa janë shpërndarë për fermerët në fund të 2018. Të bëjnë dhe krahasimin me vitet paraardhëse.
Përveç ministrit, duhet të largohet dhe zv.Ministri përgjegjës për skemat mbështetëse, si dhe drejtuesi i AZHBR.
P.S. Për ata që nuk kuptojnë shumë nga bujqësia dhe efektet që ka sjellë kjo politikë, mjafton të kuptojnë që 1 kg qepë ose patate, është më shtrenjtë se 1 kg hashash:).

Për më shumë bëhu pjesë e grupit më viral në Facebook, Dosja.al


Deklarata e plotë e Ramës një vit më parë:

Është më pak e preferueshme sesa patatja e verdhë e Kukësit dhe së dyti, del në momentin kur del patatja e dytë e Divjakës dhe kështu janë të dënuar që ta mbajnë pataten nëpër stoqe. Çfarë duhet të bëjnë? Duhet të ndërrojnë lojën. Duhet të heqin dorë nga patatja dhe duhet të kalojnë tek pemëtaria, tek mollët.

(f.g/dosja.al)

Shto Koment