Aktualitet

“Faturat e Gjonajt një pikë ujë e abuzimeve gjigande”, gazetari: Dreqi ta hajë, po mund të flesh rehat dhe me 300 € në natë

Në një reagim në Facebook, Tomorri shkruan se abuzimi që ka bërë Gjonaj është një pikë e vogël në oqeanin e madh të abuzimve që bëhet me fondet në shtet.
Featured image of article: “Faturat e Gjonajt një pikë ujë e abuzimeve gjigande”, gazetari: Dreqi ta hajë, po mund të flesh rehat dhe me 300 € në natë Klodian Tomorri dhe Etilda Gjonaj

TIRANË- Gazetari Klodian Tomorri ka reaguar pas publikimit të faturave dhe debatit të hapur për shpenzimet e ministres së Drejtësisë, Etilda Gjonaj.

Në një reagim në Facebook, Tomorri shkruan se abuzimi që ka bërë Gjonaj është një pikë e vogël në oqeanin e madh të abuzimve që bëhet me fondet në shtet.

Po ashtu ai shugjeron se me 300 euro mund të flihet shumë mirë në hotele në Europë, por shton se politikanët tanë shkojnë si të babëzitur tek luksi.

POSTIMI I PLOTË

Nje histori faturash! Kjo puna e faturave te hoteleve qe flene zyrtaret e shtetit neper udhetime zyrtare apo private me kujton nje histori. Nje ish kryeminister pyet vartesin e tij minister; A kemi korrupsion ne qeveri ne? Ish ministri ishte burre i zgjuar.  -Vallai o shef kjo pune eshte keshtu- i thote. “Cdo ministri, 5 milione euro ne vit ja ofrojne. Tani se kush nga ministrat i merr dhe kush jo, kete nuk di ta them.”  Kjo eshte histori e vertete.

Ma merr mendja se shumica e zyrtareve te shtetit qeshin me kete punen e fatures se hotelit te Ministres se Drejtesise. Madje disa prej tyre, ndoshta thone edhe sa budalla eshte ky popull qe ben kaq shume zhurme per kete therrimen e vogel. Ministrat po e po, por edhe drejtoret e thjeshte ne administrate.

Nje fature 700 euro, eshte nje pike e vogel, shume e vogel uji, ne oqeanin gjigand te shperdorimeve, abuzimeve, vjedhjeve dhe korrupsionit qe ndodh ne shtet. Me 700 euro ne Shqiperi nuk i afrohesh dot as rojes ne ministri.

Për më shumë bëhu pjesë e grupit më viral në Facebook, Dosja.al

Por pavaresisht kesaj, pavaresisht se eshte nje shperdorim ordiner, banal dhe i paperfillshem ne gropen gjigande te korrupsionit endemik qe ndodh cdo dite ne shtet, prape eshte i peshtire. Per nje arsye mbi te gjitha. Je zyrtar i nje prej shteteve me te varfra ne Europe. Pse duhet ta teprosh deri ne ate pike.

Dreqi ta haje, po mund te flesh shume rehat ne hotelet me te mira te Europes edhe me 200-300 euro ne nate. Direkt te luksi si te babezitur. Emmanuel Macron festoi 40 vjetorin ne Chateau de Chambord, keshtjellen ekstravagante te nderuar nga Fransua-ja i Pare. Rezervoi per nje fundjave bashke me familjen per nje fature qe ishte rreth 1 mije euro edhe e masakroi shtypi. Dhe ky i kishte parate e veta, jo me shpenzimet e shtetit.

David Cameron dhe Angela Merkel kane gati 20 vjet qe i bejne pushimet ne te njejtin vend. Madje 5 vitet e fundit, gazetaret i kane kapur me te njejtat rroba kur shkojne me pushime. Dhe buxheti qe kane administruar apo administrojne keta eshte te pakten 100 here me i madh se buxheti i qeverise shqiptare. Nuk e vret shtetin ajo fatura 700 euro, por ceshtja eshte tek gjesti. Te ben te dukesh si i babezitur. Si keta qe shkojne neper dasma apo festa ku ka ushqim falas dhe hane per gjithe javen. Fiks si ata tek torta per 100 vjetorin e pavaresise.🤦‍♂️🤦‍♂️🤦‍♂️

Pak ditë më parë, u publikuan faturat e rezervimeve ku ministrja Etilda Gjonaj ka shkuar përgjatë vitit 2018. Nga Roma, në Londër, Paris e Bruksel, Gjonaj ka harxhuar rreth 700 euro nata për t’u akomoduar në hotelet më luksoze. Në një reagim në rrjetet sociale, ministrja u shpreh se këto denoncime nuk janë korrekte, pasi shpenzimet kanë qenë për të gjithë delegacionin dhe se është ngritur një grup auditi për të bërë verifikimet përkatëse.

(A.B. Dosja.al)

(A.B. Dosja.al)

Shto Koment