Sport

Evra ka një sfidë për të gjithë: Ju mësoj unë se si bëhet stërvitja!

Sa do t'ia arrijmë? Kjo duhet parë. Nga e thëna në të bërë, është në mes një det i tërë.
Featured image of article: Evra ka një sfidë për të gjithë: Ju mësoj unë se si bëhet stërvitja! Fotoja e postuar nga Evra
Përditësuar:

Patrice Evra ka menduar t’i futet një sfide të re. Ish-mbrojtësi i Manchester United u ka treguar njerëzve transformimin e trupit të tij në tri javë me programin e tij stërvitor të quajtur “No Excuses”. Nëse paguani 20 paundë, ai ju tregon se si ta bëni.

38-vjeçari i ka publikuar të dhënat në “Instagram”, ku jep 20 shembuj të ndryshëm vaktesh si dhe ushtrimet që ai ka ndjekur në tetë javë. Sekreti një është: mos u dorëzo kurrë!

“Mos mendoni se u bëra kampion aksidentalisht. Kam mësuar shumë në këto 20 vite  dhe ka ardhur momenti që njohuritë e mia t’i hedh në letër. ‘No Excuses’ është krijuar nga përvoja ime. Ky në të majtë është Evra, i cili është ushqyer keq për një muaj dhe pa aktivitet fizik. Ndërsa në të djathtë është Evra, i cili ka ndjekur programin ‘No Excuses’”, shkruan Evra.

Për më shumë bëhu pjesë e grupit më viral në Facebook, Dosja.al

E morëm mesazhin: duhet të ushqehemi mirë dhe të stërvitemi pa justifikime për të patur një trup ideal. Sa do t’ia arrijmë? Kjo duhet parë. Nga e thëna në të bërë, është në mes një det i tërë.

M.P. / Dosja.al

Shto Koment