Politike

Europol në Tiranë, Xhafaj kërkon t’i marrë meritat Lleshajt: Erdhën pas negociatave vitin e kaluar

Në një reagim në Facebook, Xhafaj kërkon të marrë meritat për hapjen e zyrës së Europol në vendin tonë, pasi thotë se negociatat janë bërë nga vet ai që vitin e kaluar.
Featured image of article: Europol në Tiranë, Xhafaj kërkon t’i marrë meritat Lleshajt: Erdhën pas negociatave vitin e kaluar Fatmir Xhafaj, ish-ministër i Brendshëm

TIRANË- Ish-ministri i Brendshëm, Fatmir Xhafaj, ka reaguar për herë të parë për ardhjen e Europol në Shqipëri. Në një reagim në Facebook, Xhafaj kërkon të marrë meritat për hapjen e zyrës së Europol në vendin tonë, pasi thotë se negociatat janë bërë nga vet ai që vitin e kaluar.

Lajm shumë i mirë që sot u finalizua hapja e Zyrës Ndërlidhëse të Europol në Shqipëri, një proces i realizuar me sukses përmes negociatash intensive gjatë gjithë vitit të kaluar. Shoqëruar dhe me një sërë operacionesh të përbashkëta shumë të suksesshme, një pjesë e mirë e të cilave të inicuara në mënyrë proaktive nga vetë Policia e Shtetit. Kjo zyrë do të ndihmojë në forcimin e bashkëpunimit ndërmjet agjencive ligjzbatuese të Shqipërisë me vendet anëtare të Bashkimit Evropian dhe një mundësi e mirë për çeljen e negociatave. Urime ekspertëve të Ministrisë së Brendshme dhe Policisë së Shtetit për këtë arritje pozitive”, nënvizon Xhafaj.

Shqipëria bëhet vendi i parë në rajon ku Europol do të ketë një zyrë të tij. Ditën e sotme në një ceremoni zyrtare, Ardi Veliu dhe lajmin se në vendin tonë është hapur zyra e Europolit, duke forcuar edhe më shumë bashkëpunimin mes Shqipërisë dhe BE. Në këtë takim u theksua se Shqipëria është vendi i parë në rajon ku EUROPOL hap zyrën e saj.

(A.B. Dosja.al)

Shto Koment