Politike

“A iu dha ndihma mjekësore?” Gjonaj flet për vdekjen e Andon Mëhillajt: Situata është e rëndë

Gjonaj ka folur për pretendimet e familjarëve dhe të avokatit se Mëhillajt nuk iu dha ndihma mjekësore, pasi në burg  nuk ishte mjekë për shkak të shkarkimit të pak javëve më parë, ajo tha se në burg kishte mjek që shërbente me kohë të pjesshme.
Featured image of article: “A iu dha ndihma mjekësore?” Gjonaj flet për vdekjen e Andon Mëhillajt: Situata është e rëndë Etilda Gjonaj dhe Andon Mëhillaj

TIRANË- Ministrja e Drejtësisë, Etilda Gjonaj, ka folur sot për vdekjen e Andon Mëhillajt në burgun e Peqinit, i dënuar me burgim të përjetshëm. E ftuar sot në “Mbrëmje në ABC”, Gjonaj u shpreh se situata është e rëndë dhe se do të verifikohet.

Është një situatë që nuk më vjen mirë që ka ndodhur se kemi të bëjmë me humbjen e  një jete të njeriut. Është një rast që po verifikohet dhe presim rezultatet. Përgjigjen finale ta japë Prokuroria”, tha ajo. Më tej ka folur dhe për pretendimet e familjarëve dhe të avokatit se Mëhillajt nuk iu dha ndihma mjekësore, pasi në burg  nuk ishte mjekë për shkak të shkarkimit të pak javëve më parë, ajo tha se në burg kishte mjek që shërbente me kohë të pjesshme.

Për më shumë bëhu pjesë e grupit më viral në Facebook, Dosja.al

Në të gjitha rastet kur ka shkarkime, apo dorëheqje ato zëvendësohen nëpëmjet komandimeve të ndryshme. Edhe në rastin e Peqinit është një jek part time. Nuk rezulton të ketë mungesë. Prandaj ky nuk është një argument që mund të qenrdojë. Por unë nuk do doja të flisja përpara”, tha ministrja.

Andon (Erjon) Mëlliaj, 45-vjeç, i dënuar me burgim të përjetshëm është gjetur i pajetë në qelinë e tij në burgun e Peqinit. Mëhillaj, i cilësuar si kreu i bandës së tritolit në Vlorë dhe si bashkëpunëtori  i Julian Sinanajt,  u gjet  i vdekur në qelinë e tij ditën e djeshme rreth orës 18:00 të pasdites. Ndërkohë, ende nuk ka një reagim nga organet përkatëse dhe nuk dihen shkaqet e vdekjes së tij. Burime për Dosja.al bëjnë me dije se Mëhillaj vuante prej kohësh nga depresioni, madje merrte edhe disa ilaçe për këtë arsye.  Ndërsa familjarët hedhin akuza se mund të jetë helmuar në qeli dhe se në këtë ngjarje ka dorë shteti.

(A.B. Dosja.al)

Shto Koment