Aktualitet

‘Është i huaj’/ Artan Hoxha publikon foton: Ky është ATENTATORI që hodhi në erë Preng Gjinin

Hoxha tha se autori ka folur në italisht, është i gjatë dhe dyshohet se kemi të bëjmë me një të huaj dhe jo shqiptar
Featured image of article: ‘Është i huaj’/ Artan Hoxha publikon foton: Ky është ATENTATORI që hodhi në erë Preng Gjinin Artan Hoxha

TIRANË– Gazetari investigativ Artan Hoxha ka publikuar foton e atentatorit të Preng Gjinit. I ftuar në studion e “Abc News”, Hoxha tha se autori ka folur në italisht, është i gjatë dhe dyshohet se kemi të bëjmë me një të huaj dhe jo shqiptar. Hoxha shtoi se edhe pas ngjarjes, ai është filmuar nga kamerat teksa ikën në këmbë.

“Ky është autori i minës së telekomanduar të Preng Gjinit. Ky ka hyrë në lokal ka folur italisht, është me flokë të gjata, personi që shikoni në foto është një person i gjatë. Duket që është i shkujdesur. Ka qëndruar në të njëjtën objekt ku ka qëlluar Preng Gjini. Ka komunikuar në italisht. Dhe ky personazh shfaqet mbrapa në skenën e krimit. Në pamjen tjetër ky shfaqet në një distancë jo më larg se 70 metër nga veni ku ka ndodhur shpërthimi. Ka pasur pamje vizive me viktimën. Ndalon një moment kur ka ndodhur shpërthimi. Tenton të afrohet pak, që a ka qenë i saktë dhe më pas shfaqet duke u larguar lirisht në pjesë e urës së Vasil Shantos. Ikën në këmbë. Është te lokali ku ka ndenjur Gjini me kushëririn e vet, dhe te skena e krimit. Lëvizjet e tij të krijojnë dyshimet se ai është ekzekutori. Por identifikimi deri më tani nuk është bërë. Kemi të bëjmë me një atentator që dyshohet të jetë i huaj, pasi ka folur italisht”, u shpreh Hoxha.

Për më shumë bëhu pjesë e grupit më viral në Facebook, Dosja.al

 

Preng Gjini ra pre e një atentati në Tiranë më 15 shtator. Ai shpëtoi me dëme të mëdha shëndetësore dhe pas kurimit në spitalin e Traumës, familjarët e nisën për në Turqi. Gjini është vëllai i Armando alias Tonin Gjinit që gjithashtu ngeli i vrarë si pasojë e një atentati. Fisi Gjini njihet për përplasjet me fisin Reçi që datojnë nga viti 2016. Atentatet dhe zinxhiri i hakmarrjeve vazhdojnë.

(F.g./dosja.al)

Shto Koment