Showbiz

‘Nuk morëm njeri me zor’/ Ermal Mamaqi kërkon SËRISH ndjesë për thyerjen e rregullave të Covid-19, flet për infektimin e të atit me virusin: Ai e ka kaluar rëndë sëmundjen

Një ditë më parë, Ermali publikoi një status për t'u kërkuar falje njerëzve, ndërsa u justifikua duke thënë se erdhën më shumë njerëz nga sa ata kishin parashikuar dhe nuk i nxirrnin dot jashtë.
Featured image of article: ‘Nuk morëm njeri me zor’/ Ermal Mamaqi kërkon SËRISH ndjesë për thyerjen e rregullave të Covid-19, flet për infektimin e të atit me virusin: Ai e ka kaluar rëndë sëmundjen Ermal Mamaqi

TIRANË-Ermal Mamaqi ka kërkuar sërish ndjesë, pasi organizoi trajnimin ku ishin grumbulluar një numër i madh njerëzish pa respektuar rregtullat kundër koronavirusit. Një ditë më parë ai publikoi një status për t’u kërkuar falje njerëzve, ndërsa u justifikua duke thënë se erdhën më shumë njerëz nga sa ata kishin parashikuar dhe nuk i nxirrnin dot jashtë.

Mirëpo sot në emisionin “Wake Up”, Ermal Mamaqi ka thënë se edhe i ati e ka kaluar rëndë Covidin.

Për më shumë bëhu pjesë e grupit më viral në Facebook, Dosja.al

“I kërkova ndjesë njerëzve se nuk dua të bëhem problem për shpërndarjen e Covidit, pasi vetë babai im e ka kaluar rëndë sëmundjen. Kështu që po e ritheksoj që më vjen keq, nuk ishte e qëllimshme, nuk ishte me vetëdijen time të plotë dhe ishte një organizim i ekipit tim.Ne nxorëm një njoftim që do e bëjmë këtu dhe ishte online. Nga fakti që njerëzit duan të kenë energji dhe duan të kenë diçka ndryshe. Ajo që ndodhi është që erdhi një numër më i madh se ai që kishim llogaritur. Edhe ne morëm një sallë kinemaje për të respektuar masat, por numri ishte i madh dhe njerëzit nuk i nxirrja dot jashtë. Ndodhi sa hap e mbyll sytë dhe doli nga kontrolli.Ajo që ndodh është ajo që ndodh çdo ditë me planetin, që secili mban përgjegjësi për veprimet e veta. Edhe prezencën e plotë e kanë me dëshirën e tyre të plotë, nuk është se i morëm me zor. Ajo që ndodh gjithë kohës është që njerëzit i shohim si po sillen dhe papritur zëri u ngrit njëkohësisht vetëm për këtë trajnimin tim. Duket sikur të gjithë po rrinë në shtëpi dhe dola veç unë me trajnimin tim”, tha Mamaqi.

(a.b)/dosja.al

Etiketa:

Shto Koment