Aktualitet

AMA e paralajmëroi, Vasili letër Ramës: Çliro studiot televizive se i plotësojmë standartet, publikut duhet t’i kthehet e drejta e debatit

Në reagim, pas vënies në duke se në emisionet e TVKlan dhe Top-Channel, kishte pasur më shumë se dy të ftuar në studio, AMA theskoi se për rastet e konstatuara do të nisin procedimet administrative.
Featured image of article: AMA e paralajmëroi, Vasili letër Ramës: Çliro studiot televizive se i plotësojmë standartet, publikut duhet t’i kthehet e drejta e debatit Edi Rama dhe Eni Vasili

TIRANË– Gazetarja dhe drejtuesja e emisiont “Open”, Eni Vasili i ka bërë thirrje kryeministrit Edi Rama që ta lejojë të ftojë më shumë persona në studio. Pak orë pas paralajmërimit të AMA-s që me anë të njoftimi zyrtar, kërkoi nga subjektet audio dhe audiovizive të respektojnë vendimet dhe udhëzimet e bëra publike nga Ministria e Shëndetësisë, për COVID-19, Vasili shkruan se është koha që publikout t’i kthehet e drejta e debatit.

Në reagim, pas vënies në duke se në emisionet e TVKlan dhe Top-Channel, kishte pasur më shumë se dy të ftuar në studio, AMA theskoi se për rastet e konstatuara do të nisin procedimet administrative.

Me anë të një letre publike, drejtuar Ramës, Vasili shprehet se dirtaret me anë të Skype dhe aplikacionit Zoom, nuk e përcjellin dot mesazhn ashtu siç duhet tek publiku dhe se siç bëhet për marketet apo bizneset e tjera, të njëjtat tolerime dhe lirim masash duhet të kenë edhe mediat e studiot televizive.

Ndër të tjera, gazetarja shton se studion e ka të madhe aq sa salla e Parlamentit duke e bërë më të lehtë akomodimin e të ftuarve. Ajo kujton edhe rastin e mjekut Roland Xhaxhos, i cili shkoi në “Open”, i infektuar me Covid-19, por deri më tani, askush nga gazetarët, apo të ftuarit nuk ka rezultuar i infektuar.

LETËR E HAPUR KRYEMINISTRIT RAMA

NGA ENI VASILI

Për më shumë bëhu pjesë e grupit më viral në Facebook, Dosja.al

I nderuar zoti Kryeministër! Të hënën e ardhshme bëhen plot 9 javë nga 9 marsi, dita kur në Shqipëri u zbuluan dy rastet e para me Covid-19. Këto 9 javë të gjata sa 9 muaj, gjeneruan realitete të reja për shumëkënd nga ne, realitete prej të cilave ndoshta nuk do shpëtojmë për një kohë të gjatë. Nuk do ndahemi dot shpejt as nga frika se një xhest i shpenguar mund të na sëmurë apo se një përqafim mund te jetë një mallkim. Në këto 50 ditë e më shumë, mësuam të sakrifikojmë ndryshe, të mos i trembemi frikës tonë e t’i mbijetojmë pasigurisë. Falenderimet dhe përulja e plotë, nuk do mjaftojë asnjëherë për mjekët, infermierët, sanitarët dhe forcat e rendit, por këto javë të jashtëzakonshme eksperience njerëzore të betejës për jetën, nuk do ishin fituar pa mediat dhe studiot televizive, të cilat i bënë bashkë të gjithë në ditët më të errëta, ku vdekja  dhe terrori prej saj, bënin hije mbi kokat tona.

Së bashku mësuam nga e para si të lajmë duart, si të teshtijmë, por mbi të gjitha si t’i japim forcë njëri tjetrit. Këtë e bënë qindra shqiptarë të jashtëzakonshëm, mjekë por jo vetëm,  anembanë botës të cilët vrapuan në dritaret mbi “banaqe”,  të ndanin informacion, eksperiencë dhe solidaritet. E bënë doktorët  e infektivit që na shpjeguan me durim gjithçka dinin e mësonin dhe ata vetë ditë pas dite, e bënë ata gazetarë që nuk u tërhoqën në skuta të ngrohta shtëpish, por qëndruan në detyrë plot dinjitet dhe shqetësim për veten dhe të tjerët. E ndërsa ekonomia po rihapet e lëvizja po liberalizohet, mbajtja në izolim e studiove televizive, nuk i shërben më askujt. Një gazetar në studio është njësoj i rrezikuar me një apo me tre persona prezentë aty. Mua personalisht do të kishte mjaftuar për të më infektuar mjeku Roland Xhaxho i cili sigurisht nuk e dinte që ishte i virusuar kur erdhi në Open. Fakti tregoi që doktor Xhaxho nuk na infektoi, as mua dhe as stafin e Open i cili pati kontakte me të ato ditë.

Studiot janë hapësira të mëdha të cilat ia kalojnë çdo supermarketi ku gëlojnë njerëzit, janë po aq të mëdha në metra katrorë sa një fasoneri, me ndryshimin e vetëm se brenda nuk ka më shumë se 5 -6 njerëz dhe jo 600. Madje studio e Open është thuajse po aq e madhe sa salla e Parlamentit! Nuk është një kërkesë luksi dhe as një shkujdesje, sepse jam e përgjegjshme për rreziqet për veten dhe të tjerët. Por shërbimi që mund t’i bëjmë opinionit dhe debatit publik duke rifilluar jetën normale në studio, është më i madh se preokupimi për veten. Teknologjia na ndihmoi në kohën e emergjencës, por vështirësitë e lidhjeve me internet, e kanë lodhur me të drejtë teleshikuesin. Dritaret e vogla te skype ose zoom, jo gjithmonë arrijnë teknikisht të përcjellin mesazhin tek teleshikuesit dhe koha e përqendrimit shkurtohet gjithmonë e më shumë. Publikut duhet t’i kthehet e drejta e debatit publik dhe studiove televizive duhet tu kthehet liria! #jetodhefolilir

Ditën e sotme, AMA lajmëroi se prezenca e më shumë se dy personave në studiot televizive të emisionit “Open” në Top Channel dhe “Klanifornia” i ka tërhequr vëmendjen. Autoriteti i Mediave Audiovizive kërkoi nga subjektet audio dhe audiovizive të respektojnë vendimet dhe udhëzimet e bëra publike nga Ministria e Shëndetësisë, për COVID-19. Në reagim theksohet se për rastet e konstatuara do të nisin procedimet administrative. 

(f.m/dosja.al)

Shto Koment