Politike

EMRAT/ Presidenca: Ja kur do të betohen tek Meta 8 prokurorët e SPAK

Lajmin e ka konfirmuar sot zëdhënësi i Presidentit, i cili ka njoftuar se ceremonia e betimit do të zhvillohet të enjten që vjen në orën 09:30.
Featured image of article: EMRAT/ Presidenca: Ja kur do të betohen tek Meta 8 prokurorët e SPAK Foto ilustruese

TIRANË– Presidenca ka njoftuar se do të organizojë të enjten, më 19 Dhjetorit ceremoninë e betimit për 8 prokurorët e emëruar në  Prokurorinë e Posaçme (SPAK). Këshilltari për mediat i presidentit, Tedi Blushi njofton se ceremonia do të mbahet të enjten e ardhshme në presidencë në orën 09:30.

Njoftimi i plotë i Tedi Blushit:

Presidenti i Republikës, Sh. T. Z. Ilir Meta, në përgjigje të kërkesës së Këshillit të Lartë të Prokurorisë dhe në bashkëpunim me Kryetarin e KLP-së, z.Gent Ibrahimi, në mbështetje të nenit 61 pika 2 të ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë” të ndryshuar”, ditën e enjte, në datën 19 dhjetor 2019, ora 09:30, organizon ceremoninë e betimit të 8 (tetë) prokurorëve të emëruar në Prokurorinë e Posaçme (SPAK).

LISTA E ANETAREVE TE SPAK

Për më shumë bëhu pjesë e grupit më viral në Facebook, Dosja.al

Altin Dumani, prokuror në Prokurorinë e Apelit Tiranë
Arben Kraja, prokuror në Prokurorinë e Përgjithshme
Behar Dibra, prokuror në Prokurorinë e Krimeve të Rënda
Edvin Kondili, prokuror në Prokurorinë e Krimeve të Rënda
Elida Celami (Kaçkini) prokurore në Prokurorinë e Tiranës
Ened Nakuçi, prokuror në Prokurorinë e Krimeve të Rënda
Enkeleda Millonai, prokurore në Prokurorinë e Elbasanit
Klodian Braho, prokuror në Prokurorinë e Krimeve të Rënda

Ditën e djeshme Kryetari i Këshillit të Lartë të Prokurorisë, Gent Ibrahimi deklaroi se më datë 19 dhjetor do të betohen 8 anëtarët e Prokurorisë së Posaçme, apo siç njihet ndryshe, SPAK. Ibrahimi shtoi se 16 prokurorë nga Krimet e Rëdna do të transferohen në rrethe për shkak se kjo strukturë do të shkrihet.

Çfarë është SPAK ose siç njihet ndryshe Prokuroria e Posaçme?

SPAK është njësia që do të ndjekë çështjet penale në emër të shtetit shqiptar kundër korrupsionit të niveleve të larta drejtuese dhe krimit të organizuar. SPAK ka të drejtë të përfaqësojë shtetin në të tre shkallët e gjyqësorit siç janë Gjykata e Shkallës së Parë, Gjykata e Apelit dhe ajo e Lartë.

SPAK është e pavarur në funksionim dhe ushtron detyrën përmes prokurorëve të Posaçëm që do të emërohen nga Këshilli i Lartë i Prokurorisë. Prokurorët e SPAK do të kenë një mandat 9-vjeçar dhe ky mandat mund të ndërpritet vetëm nga Inspektoriati i Lartë i Drejtësisë.

(a.m/dosja.al)

Shto Koment