Aktualitet

31 të arrestuar për dëmet e tërmetit, Prokurorët e Tiranës japin DETAJE nga dosja: Ja çfarë mangësish gjetëm, do vijojmë hetimet në Dajt dhe Kamëz (VD)

Detaje të reja janë mësuar nga dosja hetimore "Tërmeti". Prokurorët e Tiranës bashkë me drejtuesen e tyre, Elisabeta Imeraj, kanë treguar mangësitë e gjetura në ndërtimet e dëmtuara duke kërkuar edhe ndihmën e qytetarëve për të hetuar abuzuesit. Drejtori i Policisë së Tiranës, ka pranuar se asnjë prej të arrestuarve nuk ka bërë rezistencë.
Featured image of article: 31 të arrestuar për dëmet e tërmetit, Prokurorët e Tiranës japin DETAJE nga dosja: Ja çfarë mangësish gjetëm, do vijojmë hetimet në Dajt dhe Kamëz (VD)

TIRANË– Drejtuesja e Prokurorisë së Tiranës Elizabeta Imeraj së bashku me drejtorin e Policisë së Tiranës, Rebani Jaupi dhe dy prokurorët e dosjes “Tërmeti” kanë dhënë detaje lidhur operacionin e zhvilluar gjatë dy ditëve të fundit.

Gjatë konferencës për shtyp, e para e ka marrë fjalën drejtuesja Imeraj, e cila ka dhënë detaje të përgjithshme nga hetimet, duke bërë të ditur se kur kanë filluar dhe akuzat për të cilat akuzohen 31 personat e akuzuar. Megjithatë ajo nuk ka pranuar të bëjë të ditur se cila do të jetë masa e sigurisë që Prokuroria do të kërkojë nesër në Gjykatë për personat e arrestuar.

“Prokuroria ka filluar një hetim pas tërmetit të 26 nëntorit duke u munduar të nxjerrë në pah shkeljet e ndërtuesve që sollën disa ndërtime dhe banesa të pabanueshme. Kemi arritur të evidentojmë disa banesa dhe ndërtesa të shpallura të panueshme. Janë rreth 25 institucione dhe 125 pallate dhe rreth 200 banesa private. Janë identifikuar autorët, deri më tani numri të arrestuarve ka shkuar në 31. Nuk mund ta themi se çfarë masash do kërkojmë në gjykatë pasi i përket marrëdhënies mes dy institucioneve. Prokuroria ka hetuar në disa drejtime. Për këtë arsye është marrë në konsideratë hetimi i plotë i dokumentacionit për banesat e shpallura të pabanueshme. Gjatë analizimit me detaje është bërë e mundur që të zbulohen elementë ku janë konstatuar element fiktive. Për këtë arsye kanë ardhur edhe arrestimet e djeshme. Të arrestuarit akuzohen kryesisht për “falsifikim dokumentash” “ndërtime të paligjshme” dhe për “shpërdorim detyre”. Ne kemi konkluduar në këtë vendim për këto zona dhe jemi në vijim të procesit për hetime të tjera për zona të tjera që nuk përfshijnë Vorën, Kasharin e Farkën,”-është shprehur Imeraj.

 


Më tej, drejtuesja Imeraj dhe një prej prokurorëve të çështjes, Alket Mersini, kanë kërkuar edhe ndihmën e qytetarëve për të denoncuar shkelësit.

“Jemi në një konferencë për rëndësinë për ngjarjen që ndodhi. Ne përfitojmë nga situata në të cilën Tirana nuk kishte dëme në njerëz dhe jemi komod për kohën por çdo banesë e shpallur e pabanueshme do të jetë objekt hetimi por do ndjekim edhe indikacionet e qytetarëve. Kjo që të mos ndodhemi para situatave tragjike si ajo e 26 nëntorit.  Operacioni dhe hetimet janë në vijim do të mundohemi të kemi gjithë provat e nevojshme që të bindim edhe Gjykatën,”-tha Imeraj.

Për më shumë bëhu pjesë e grupit më viral në Facebook, Dosja.al

Ndërsa prokuror Mersini ka shtuar: I bëjmë thirrje qytetarëve që u janë dëmtuar banesat, i ftojmë që të vijnë në prokurori dhe të japin kallëzimin e tyre për objektet e dëmtuara.

Për të gjitha shkeljet e gjetura në banesat e dëmtuara ka folur edhe prokurori tjetër i dosjes, Erion Imeraj. Hetuesi është shprehur se hetimet përveç Vorës, Farkës dhe Kasharit do të vijojnë edhe në zonën e Dajtit po ashtu edhe në Bashkinë e Kamzës.

“Sikurse u tha edhe nga drejtuesja janë disa subjekte nën hetim. Janë subjekte që kanë pasur apo kanë funksione publike në ish-komunat e Tiranës. Janë kontraktorë dhe drejtues teknik të ndërtimit. Ndër shkeljet që dyshohet se kanë kryer përmendim: funksionarët e ish-komunave kanë miratuar ndërtime në shkelje me ligjin, mungon raporti sizmiologjik, mungon procesverbali i përfundimit të ndërtimeve të objektit, mungojnë edhe aktet e konstatimeve të ish-komunave Farkë dhe Kashar, mungon  akti i kolaudimit,  certifikata e cilësisë së punimeve apo edhe leja e shfrytëzimit të objektit. Në objetet e para viteve 90, ka cënime në strukturën e tyre për t’i përshtatur për funksione të tjera. Sa i përket hetime janë shtrirë në Vorë, Kashar dhe Farkë. Hetimet vazhdojnë edhe në zona të tjera si në Dajt apo edhe në Bashkinë e Kamzës.”

 


Rebani Janupi, drejtori i Policisë së kryeqytetit ka dhënë detaje nga aksionet e arrestimit të të dyshuarve. Sipas Jaupit nga të ndaluarit nuk është hasur rezistencë duke siguruar që të gjithë do të njoftohen për çdo arrestim tjetër.

Ndërkohë aksioni për abuzuesit vijon edhe sot. Në Tiranë është arrestuar biznesmeni i ndërtimit Fejzo Dyrmishit, duke e çuar në 31 numrin e të arrestuarve. Ndërkohë që në kërkim janë edhe 7 persona të tjerë, ndërsa 2 të tjerë janë nën hetim në gjendje të lirë. Zyrtarë nga Prokuroria e Tiranës dhanë detaje nga hetimet.

(k.m.;E.K/dosja.al)

2 Komente në “31 të arrestuar për dëmet e tërmetit, Prokurorët e Tiranës japin DETAJE nga dosja: Ja çfarë mangësish gjetëm, do vijojmë hetimet në Dajt dhe Kamëz (VD)

  1. Po ne Kavaje kur do te fillojne hetimet per pallatet q

  2. Po ne Kavaje kur do te fillojne hetimet per pallatet qe ju eshte dhene leje per ti kthyer hyrjet e katit perdhes ne dyqane duke prishur muret mbajtese dhe strukturen e qendrushmerise se pallatit? Hetimet nuk duhet te jene selektive por mbi mbazene e kritereve ligjore dhe detyrimisht aty ku eshte prishur struktura e nderteses te behen riparimet e duhura nen vezhgimin e autoritetit sheterore.

Shto Koment